താമരയിലയിൽ

 

താമരയിലയിൽ വീണു തുടിക്കും
നീർമണികൾ രണ്ടു നീർമണികൾ
ഒരു താളത്തിൽ ഒന്നിച്ചു
മറ്റൊരു താളത്തിൽ ഭിന്നിച്ചൂ

സൂര്യകിരണം നിറുകയിൽ ചൂടിച്ച
സുവർണ്ണ തിലകവുമായ്
തപസ്സു ചെയ്യും നീർമുത്തുകളേ
താളം ജീവിതവാഹിനിയൊഴുകും
താളം നമ്മിലും തുടിക്കുന്നു

മായും നിർവൃതി നിമിഷങ്ങൾ ചൂടിച്ച
മായാത്തൊരോർമ്മയുമായി
മനസ്സിനുള്ളിലെ നീർക്കിളിയെങ്ങോ
മറയുമിണയെ വിളിക്കുന്നു
ദാഹം കടലിനെത്തേടും നദിയുടെ
ദാഹം കേണു വിളിക്കുന്നു

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Thanara ilayil