ബിജു നാരായണൻ

Biju Narayanan
ബിജു നാരായണൻ-ഗായകൻ
ആലപിച്ച ഗാനങ്ങൾ: 178

ചലച്ചിത്ര പിന്നണി ഗായകൻ. 1970 ജനുവരി 1 ന് ജനിച്ചു. ഒരു സംഗീത കുടുംബത്തിലാണ് ബിജു നാരായണൻ ജനിച്ചത്. അമ്മയും സഹോദരിയും ശാസ്ത്രീയ സംഗീതജ്ഞരായിരുന്നു. സംഗീതത്തിന്റെ ബാലപാഠങ്ങൾ ബിജുനാരായണൻ  പഠിച്ചത് അദ്ദേഹത്തിന്റെ അമ്മയിൽ നിന്നാണ്.  1992 ൽ പ്രീഡിഗ്രീ വിദ്യാർത്ഥിയായിരിക്കെ ആദ്യമായി ഒരു ഭക്തിഗാന ആൽബത്തിൽ പാടാൻ അവസരം ലഭിച്ചു. എം.ജി. സർവ്വകലാശാല യുവജനോത്സവത്തിൽ ലളിതഗാനത്തിന് ഒന്നാം സമ്മാനം കിട്ടിയത് ബിജു നാരായണന്റെ ജീവിതത്തിൽ വഴിത്തിരിവായി.

 ഭക്തിഗാനങ്ങളിലൂടെയാണ് ബിജു നാരായണൻ ശ്രദ്ധേയനായി തുടങ്ങിയത്. എട്ട് വർഷക്കാലം ആര്യനാട് സദാശിവന്റെ കീഴിൽ കർണ്ണാടക സംഗീതം പഠിച്ച ബിജു നാരായണൻ പി. ജയചന്ദ്രനും, ഉണ്ണി മേനോനും, മാർക്കോസിനുമെല്ലാം ട്രാക്ക് പാടിയാണ് സംഗീത ജീവിതമാരംഭിച്ചത്. 1993 ൽ വെങ്കലം എന്ന സിനിമയിൽ രവീന്ദ്രൻ സംഗീതം നൽകിയ "പത്തുവെളുപ്പിന്...  എന്ന ഗാനം പാടിക്കൊണ്ടാണ് ബിജു നാരായണൻ ചലച്ചിത്ര പിന്നണിഗായകനായി തന്റെ ജീവിതം തുടങ്ങുന്നത്. 1996 ൽ മികച്ച ഗായകനുള്ള സംസ്ഥാന നാടക പുരസ്ക്കാരം അദ്ദേഹത്തിന് ലഭിച്ചു. 400 ൽ അധികം ഗാനങ്ങൾ അദ്ദേഹം പാടിയിട്ടുണ്ട്. " കളഭം തരാം.., സൂര്യനായ് തഴുകി.., ഇഷ്ടമാണെന്നാദ്യം ചൊല്ലിയതാരാണ്..

ബിജു നാരായണൻ 1993 ജനുവരിയിലാണ് വിവാഹിതനായത്. കോളേജിൽ തന്റെ സഹപാഠിയായിരുന്ന ശ്രീലതയെയാണ് അദ്ദേഹം വിവാഹം ചെയ്തത്. രണ്ടു മക്കളാണ് അവർക്കുള്ളത്. സിദ്ധാർത്ഥ്, സൂര്യനാരായണൻ. 2019 ഓഗസ്റ്റിൽ കാൻസർ ബാധിതയായി ശ്രീലത അന്തരിച്ചു.