ഒരു തരി വെട്ടവുമില്ലാതെ

 

ഒരു തരി വെട്ടവുമില്ലാതെ
ഇരുളിലമർന്ന വിളക്കുകളേ
വരവായ് വരവായ് പുതുവെട്ടം
അറിവിൻ പുതുവെട്ടം

അക്ഷരമാകും തിരികളിൽ വിരിയും
അക്ഷയമായ വെളിച്ചമിതാ
പഴയ വിളക്കുകൾ തേടി വരുന്നു
പുതിയൊരുണർവിൻ പൂക്കാലം
വരൂ വരൂ പഴയ വിളക്കുകളേ
തിരി കാണാത്ത വിളക്കുകളേ

നിറുകയിലീ തിരിനാളങ്ങൾ
നറുപീലികളായ് വിരിയുന്നു
നിങ്ങളിൽ സൂര്യനുദിക്കുന്നൂ
നിങ്ങളിലഗ്നി ജ്വലിക്കുന്നു
നിങ്ങളിലറിവിൻ പുതുപുലർക്കാലം
പൊൻ വെയിൽ വീശിത്തെളിയുന്നു
പുതിയൊരു ജന്മം മനുഷ്യരായി
പുനർജ്ജനിക്കുക നിങ്ങൾ

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Oru thari vettavumillathe

Additional Info

ഗാനശാഖ: 

അനുബന്ധവർത്തമാനം