ആഷാഡത്തിലെ

 

ആഷാഡ്ഡത്തിലെ ആദ്യദിനത്തിലെൻ
ആശാനീലിമയിൽ
കാമരൂപൻ നീ വന്നു
എൻ കദനകഥകളിൽ ഹൃദയമലിയുമൊരു
ശ്യാമവർണ്ണൻ നീ വന്നു
( ആഷാഡത്തിലെ..)

നീയും കാമുകനല്ലേ മിന്നൽ കൊടി നിൻ
പ്രണയിനിയല്ലേ
നീയറിയുന്നോ മറ്റൊരു തിരിയിൽ
എരിയും വിരഹ വിഷാദം
( ആഷാഡത്തിലെ..)

ദേവഗായകർ പാടും വിണ്ണിൻ
പടവുകൾ കയറിയിറങ്ങീ
കേവലനാമെൻ ഗദ് ഗദ ഗീതം
കേൾക്കാനെന്തേ വന്നൂ
( ആഷാഡത്തിലെ..)

ഗ്രാമവധുക്കൾ നിനക്കു നീട്ടും
കടാക്ഷമാലകൾ ചൂടി
പോവുക നീയെൻ പ്രിയയുടെ മേടയിൽ
ആവണി മുകിലായ് പാടാൻ
( ആഷാഡത്തിലെ..)
 

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Aashadathile

Additional Info

ഗാനശാഖ: 

അനുബന്ധവർത്തമാനം