കാണും കിനാവുകൾ

കാണും കിനാവുകൾ മാഞ്ഞു പോകും പിന്നെ
കാണാത്ത കിനാവുകൾ തേടിപ്പോകും നമ്മൾ
തേടിപ്പോകും
കാതരമിഴി നിന്നെ കണ്ടതില്‍പ്പിന്നെ ഞാൻ
കാണും കിനാവിലെല്ലാം നീയല്ലോ
നീ മാത്രമല്ലോ

എൻ മനസ്സരസ്സിലെ പൊന്നരയമേ നീ
എങ്ങു നിന്നെങ്ങു നിന്നിങ്ങോടി വന്നൂ
എന്നെത്തേടി വന്നൂ
താരാപഥത്തിൽ നിന്നോ വാർമഴവില്ലുമേന്തി
താരമ്പനെഴുന്നള്ളും കാവിൽ നിന്നോ
നടക്കാവിൽ നിന്നോ

ഇന്ദ്രസദസ്സിൽനിന്നും മാരാരുമറിയാതെൻ
മന്ദിരാങ്കണത്തിലേക്കോടി വന്നോ
എന്നെത്തേടി വന്നോ
ഉള്ളിലെന്നുള്ളിലൊരു സ്വർല്ലോകവേദി തീർത്തു
ഉർവശിയായ് നീയതിൽ നൃത്തമാടൂ
എന്നും നൃത്തമാടൂ