പിന്നെയുമെൻ പ്രിയസ്വപ്നഭൂമി

 

പിന്നെയുമെൻ പ്രിയ സ്വപ്നഭൂമി
നിന്നെയും തേടി ഞാനണയുന്നു
കാണുവാനെന്തു മോഹം കിനാക്കൾ
വേണുവൂതി വിളിച്ച താഴ്വാരം
എന്റെയോമനക്കൗതുകമെല്ലാം
വെന്തു വെണ്ണീറായ് തീർന്ന താഴ്വാരം

കേൾക്കുവാനെന്തു മോഹം വസന്തം
പൂത്തിറങ്ങിയ കാടിന്റെ നാദം
ഏറ്റു പാടുവാൻ മോഹിച്ചിരുന്ന
കാട്ടുപക്ഷി തൻ കാതരനാദം

ചോടു തെറ്റുന്ന പൊന്തകൾ തേടി
ചോര വാർന്ന കാല്‍പ്പാടുകൾ തേടി
മൗനമൺകുടം തന്നിലടക്കും
വീണപൂവിൻ വിലാപങ്ങൾ തേടി