മാന്തളിർ കൊണ്ട് മഞ്ചലൊരുക്കീ

 

മാന്തളിർ കൊണ്ട് മഞ്ചലൊരുക്കി
മാരനെയെതിരേറ്റു ഭൂമി കന്യക
മാരനെയെതിരേറ്റു
താമരപ്പൂവൊളിതാലത്തിൽ വാസന
താംബൂലം നീട്ടി നിന്നൂ അവൾ
താഴം പൂ കോർത്തു മെടഞ്ഞൊരു താർ മെത്ത
താഴെ വിരിച്ചു നിന്നു

ആകാശമമ്പിളിപൊന്നാലില കുട
ആഹാ നിവർത്തി നിന്നൂ
ആതിര നക്ഷത്രദേവത ഭൂമിയെ
ആശീർവദിച്ചു നിന്നൂ
നീലക്കരിമ്പിന്റെ വില്ലു കുലച്ചവൻ
നീളെ മലരമ്പെയ്തു
പൂവുകളാൽ ശരശയ്യ വിരിച്ചതിൽ
ഭൂമി മയങ്ങി വീണു