മുത്തുച്ചിലങ്കകൾ ചാർത്തുക ചാരേ
മുത്തുച്ചിലങ്കകൾ ചാർത്തുക ചാരേ
സപ്തസ്വരമധുരാംഗികളേ
വർണ്ണമനോഹരമലരുകൾ ചൊരിയുക
പൊന്നഴകിൻ പൂജാരികളെ
വിശ്വമോഹന ശില്പിയെ വാഴ്ത്തിയ
വിശ്രുത വീണാതന്തികളിൽ
പുഷ്പാഞ്ജലികളൊരുക്കാനിന്നലെ
നർത്തനമാടിയ കന്യകളേ
സർഗ്ഗ സമുജ്ജ്വല ഗാഥാമലരുകൾ
പൊൽക്കണി വെയ്ക്കും താലമിതാ
(മുത്തുച്ചിലങ്കകൾ...)
ഇന്നുമൊരോടക്കുഴലിനോർമ്മകൾ
മിന്നും യമുനാഹൃദയത്തിൽ
സുന്ദരരാഗവിപഞ്ചികയേന്തിയ
സന്ധ്യകൾ വീണു വണങ്ങുമ്പോൾ
അലകളിലലകളിലിളകുവതിന്നേ
തരിയ ചിലങ്കകളാലോലം
(മുത്തുച്ചിലങ്കകൾ...)
മാനവസങ്കല്പത്തിൻ ഖനികളിൽ
ഓണപ്പൂവുകൾ വിരിയുമ്പോൾ
മാനോടൊത്തു വളർന്ന ശകുന്തള
മാരുടെ കുടിലിൻ മുറ്റത്തിൽ
കിലു കിലെ മുത്തുച്ചിലങ്ക കിലുക്കുക
കലയുടെയോമൽക്കന്യകളേ
(മുത്തുച്ചിലങ്കകൾ...)
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
0
No votes yet
Muthuchilankakal Chaarthuka Chaare
Additional Info
ഗാനശാഖ:
അനുബന്ധവർത്തമാനം
ഈ ചിത്രത്തിലെ മറ്റ് ഗാനങ്ങൾ
Submitted 13 years 11 months ago by ജിജാ സുബ്രഹ്മണ്യൻ.