കിളികൾ ചിലയ്ക്കാത്ത

 

കിളികൾ ചിലയ്ക്കാത്ത നാടില്ലെന്നാലോണ
ക്കിളി പാടും നാടൊന്നു വേറെ
പൂക്കൾ ചിരിക്കാത്ത വീടില്ലെന്നാലോണ
പ്പൂ വിരിയും നാടൊന്നു വേറെ ഈ
മാവേലി നാടൊന്നു വേറെ

വെയിലിനു വേറൊരു ചന്തം ചിങ്ങ
വയലിൽ പൊൻ വിരി നെയ്യും നേരം
കുയിലിനും വേറൊരു നാദം ചിങ്ങ
ക്കുളിർ ചൂടി പാടുന്ന നേരം
കുളിർ ചൂടി പാടുന്ന നേരം
(കിളികൾ....)

മിഥില തൻപുത്രിയാം സീത വാർത്ത
മിഴിനീരിൻ കഥ പാടും മൊഴികൾ
പലതുണ്ടെന്നാകിലും തുഞ്ചൻ പോറ്റും
കിളി പാടും മൊഴിയൊന്നു വേറെ
അതു പാടും ചേലൊന്നു വേറേ