അല്ലിമുല്ലക്കാവുകളിൽ

തുള്ളി തുള്ളി തുള്ളികളായ് പാൽക്കുടം തുളുമ്പീ
മണ്ണിൽ വീണ തുള്ളിയെല്ലാം തുമ്പമലരായീ
നല്ല പെണ്ണേ വാ
നാത്തൂനാരേ വാ

ഓടിയോടിയോടിയെന്റെ കൂടെയാരേ വന്നു
ഓമനത്തിങ്കൾക്കിടാവ് വന്നൂ
ഒന്നു നിന്നാൽ കൂടെ നിൽക്കും
എന്നെ നോക്കി പൂവെറിയും
എന്നോടെന്തിഷ്ടമാണെന്നോ

നല്ല പൂന്തേൻ ചൊല്ലുമായെൻ കൂടെയാരേ വന്നു
നല്ലോണത്തുമ്പിക്കിടാവ് വന്നു
നിന്റെ കൂടെയാരു വന്നു
കുഞ്നുകാറ്റും കുളിർ നിലാവും
എന്നെന്നും ഓണമായെങ്കിൽ