എം ജി രാധാകൃഷ്ണൻ
സംഗീതജ്ഞൻ-ഗായകൻ-സംഗീതസംവിധായകൻ - 1940 ജൂലൈ 29നു ജനിച്ചു..മരണം ജൂലൈ 2,2010ന്. ദക്ഷിണേന്ത്യയിലെ നാടകവേദികളിൽ ഏറെ പ്രശസ്തനായിരുന്ന സംഗീതജ്ഞൻ മലബാർ ഗോപാലൻ നായരുടേയും ഹരികഥാ പ്രാവീണ്യം നേടിയ കമലാക്ഷിയമ്മയുടേയും മൂന്നു മക്കളിൽ മൂത്ത ആളായിരുന്നു ശ്രീ.രാധാകൃഷ്ണൻ. ഹരിപ്പാട് ബോയ്സ് സ്കൂളിൽ പ്രാഥമിക വിദ്യഭ്യാസം പൂർത്തിയാക്കുമ്പോൾത്തന്നെ സംഗീതകച്ചേരികൾക്ക് സ്ഥിരം കാഴ്ച്ചക്കാരനായി പോകാറുണ്ടായിരുന്ന രാധാകൃഷ്ണൻ ആലപ്പുഴ എസ് ഡി കോളേജിൽ പ്രീ യൂണിവേഴ്സിറ്റി കോഴ്സ് ചെയ്യുന്നതോടെ സംഗീതം തന്നെയാണ് തന്റെ വഴിയെന്ന് തീരുമാനിച്ചുറച്ചിരുന്നു. തുടർന്ന് ആലപ്പുഴയിൽ നിന്ന് തിരുവനന്തപുരത്തെ സ്വാതിതിരുനാൾ സംഗീത അക്കാഡമിയിൽ നിന്നു ഗാനഭൂഷണത്തിൽ ബിരുദത്തിനു ചേരുന്നതോടെ രാധാകൃഷ്ണനൊപ്പം കുടുംബവും തിരുവനന്തപുരത്തേക്ക് താമസം മാറ്റി. സംഗീതഭൂഷണം കരസ്ഥമാക്കിയ ശേഷം കേരളത്തിനകത്തും പുറത്തുമായി നിരവധി സംഗീത കച്ചേരികളിൽ അസാമാന്യ പ്രാഗൽഭ്യം തെളിയിച്ചിരുന്ന രാധാകൃഷ്ണൻ തന്റെ അനിയനായ എം ജി ശ്രീകുമാറിനെയും കച്ചേരി വേദികളിൽ കൂട്ടിയിരുന്നു.
1962ൽ ആകാശവാണിയിൽ തംബുരു ആർട്ടിസ്റ്റായി ജോലി ആരംഭിച്ച രാധാകൃഷ്ണൻ, ദീർഘകാലം ആകാശവാണിയിൽ സംഗീതസംവിധായകനായി ജോലി ചെയ്തു. നിരവധി പ്രഗൽഭന്മാരൊത്ത് ആകാശവാണിയിൽ ജോലി ചെയ്യുവാൻ സാധിച്ചത് രാധാകൃഷ്ണന്റെ ലളിതസംഗീതത്തിലും ശാസ്ത്രീയസംഗീതത്തിലുമുള്ള കഴിവുകളെ കൂടുതൽ മെച്ചപ്പെടുത്തുവാൻ സഹായിച്ചിരുന്നു. കാവാലം നാരായണപ്പണിക്കരുമൊത്ത് ചേർന്ന് നിരവധി ലളിതഗാനങ്ങൾ ആകാശവാണിക്കു വേണ്ടി ചിട്ടപ്പെടുത്തി. ലളിതഗാനശാഖ തന്നെ മലയാളത്തിൽ തഴച്ചു വളരാൻ കാരണക്കാരനുമായി. സർക്കാർ ജോലിയോടൊപ്പം തന്നെ സിനിമാമേഖലയിലും അദ്ദേഹത്തെ അവസരങ്ങൾ തേടി വന്നു. ഗായകനായാണ് സിനിമയിലേക്ക് വന്നതെങ്കിലും സംഗീതസംവിധാനരംഗത്താണ് ഏറെ പ്രശസ്തനായത്. കള്ളിച്ചെല്ലമ്മയിലെ "ഉണ്ണീ ഗണപതിയെ" എന്നതായിരുന്നു സിനിമയിൽ ആദ്യമായി ആലപിച്ച ഗാനം. 1978ൽ പുറത്തിറങ്ങിയ ജി അരവിന്ദന്റെ തമ്പ് ആയിരുന്നു രാധാകൃഷ്ണൻ സംഗീതസംവിധാനം നിർവ്വഹിക്കുന്ന ആദ്യ ചിത്രം. തുടർന്ന് വളരെയധികം സിനിമകൾക്ക് ഹൃദയസ്പർശിയായ ഗാനങ്ങൾ ചമച്ചു. അവസാനമായി പുറത്തിറങ്ങിയത് "പകൽ" എന്ന ചിത്രമാണ്.
കെ എസ് ബീന, കെ എസ് ചിത്ര, ജി.വേണുഗോപാൽ, അരുന്ധതി തുടങ്ങി ഒട്ടേറെ പ്രഗത്ഭ ഗായകരെ മലയാള സംഗീത ശ്രോതാക്കൾക്ക് ആദ്യമായി പരിചയപ്പെടുത്തിയത് രാധാകൃഷ്ണനാണ്. ഗായകനായ എം ജി ശ്രീകുമാർ, കർണ്ണാടക സംഗീതജ്ഞയായ ഡോ.ഓമനക്കുട്ടി എന്നിവർ സഹോദരങ്ങളാണ്.
1975ൽ ശ്രീമതി പത്മജയെ വിവാഹം കഴിച്ചു. രാജകൃഷ്ണൻ, കാർത്തിക എന്നിവരാണ് മക്കൾ. ചെന്നെയിൽ സൗണ്ട് എഞ്ചിനീയറായ മകൻ രാജകൃഷ്ണൻ മലയാള സിനിമകളിൽ ഓഡിയോഗ്രാഫി, സൗണ്ട് ഡിസൈനിംഗ് തുടങ്ങിയ മേഖലകൾ കൈകാര്യം ചെയ്യുന്നു. 2010 ജൂലൈ 2ന് ശാരീരികമായ അസ്വാസ്ഥ്യങ്ങളാൽ മരണമടഞ്ഞു.
അഭിനയിച്ച സിനിമകൾ
സിനിമ | കഥാപാത്രം | സംവിധാനം | വര്ഷം |
---|---|---|---|
തമ്പ് | ജി അരവിന്ദൻ | 1978 |
ആലപിച്ച ഗാനങ്ങൾ
ഗാനരചന
എം ജി രാധാകൃഷ്ണൻ എഴുതിയ ഗാനങ്ങൾ
ഗാനം | ചിത്രം/ആൽബം | സംഗീതം | ആലാപനം | രാഗം | വര്ഷം |
---|---|---|---|---|---|
ഹാലെലുയ്യാ ഹല്ലെലുയ്യാ ദൈവത്തിനു സ്തോത്രം | യാത്രയുടെ അന്ത്യം | ചെമ്മനം ചാക്കോ | സെൽമ ജോർജ് | 1991 |
സംഗീതം
സ്കോർ
പശ്ചാത്തല സംഗീതം
തലക്കെട്ട് | സംവിധാനം | വര്ഷം |
---|---|---|
യാനം | സഞ്ജീവ് നമ്പ്യാർ | 2004 |
അഭയം | ശിവൻ | 1991 |
അന്നക്കുട്ടീ കോടമ്പക്കം വിളിക്കുന്നു | ജഗതി ശ്രീകുമാർ | 1989 |
നിധിയുടെ കഥ | വിജയകൃഷ്ണൻ | 1986 |
ശേഷക്രിയ | രവി ആലുമ്മൂടൻ | 1982 |
പെരുവഴിയമ്പലം | പി പത്മരാജൻ | 1979 |
അവാർഡുകൾ
Edit History of എം ജി രാധാകൃഷ്ണൻ
Updated date | എഡിറ്റർ | ചെയ്തതു് |
---|---|---|
29 Dec 2020 - 11:27 | Ashiakrish | ചെറിയ തിരുത്തലുകൾ. |
28 Dec 2020 - 12:55 | Ashiakrish | ഫോട്ടോ ചേർത്തു |
13 Nov 2020 - 13:13 | admin | Converted dod to unix format. |
13 Nov 2020 - 13:12 | admin | Converted dod to unix format. |
13 Nov 2020 - 13:09 | admin | Converted dod to unix format. |
13 Nov 2020 - 07:42 | admin | Converted dob to unix format. |
2 Jul 2016 - 12:04 | Kiranz | പ്രൊഫൈൽ തിരുത്തലുകൾ,കൂട്ടിച്ചേർക്കലുകൾ എന്നിവ വരുത്തി |
1 Jul 2012 - 09:46 | Kiranz |