ശ്രീവത്സൻ ജെ മേനോൻ

 1970 ൽ കല്ലായിൽ വാസന്തിയുടേയും പറക്കാട്ട് ജയപ്രകാശ് മേനോന്റെയും മകനായി തൃശൂരിൽ ജനനം. അഞ്ചാം വയസ്സുമുതൽ ശ്രീമതി രാജലക്ഷ്മി കൃഷ്ണൻ എന്ന സംഗീത അദ്ധ്യാപികയുടെ കിഴിൽ സംഗീതപഠനം ആരംഭിച്ച ശ്രീവത്സൻ മേനോൻ തന്റെ ചിട്ടയായ സംഗീതസപര്യയിലൂടെ കേരളത്തിന്റെ സംഗീതമേഖലയിൽ തന്റേതായ വ്യക്തിമുദ്ര പതിപ്പിക്കുകയും ആകാശവാണിയിലെ എ ഗ്രേഡ് ആർട്ടിസ്റ്റ് പദവിയിലെത്തുകയും ചെയ്തു. അതിനുശേഷം ശ്രീ നെയ്യാറ്റിങ്കര വാസുദേവന്റെ ശിഷ്യത്വം സ്വീകരിക്കുകയും അദ്ദേഹത്തോടൊപ്പം കച്ചേരികളിൽ പങ്കെടുക്കുകയും ചെയ്തു. മദ്രാസ് മ്യൂ‍സിക്ക് അക്കാഡമിയുടെ അവാർഡുകൾ, 2005 ലെ വൈക്കം വാസുദേവൻ നായർ മെമ്മോറിയൽ അവാർഡ്, 2001 ൽ ചെമ്പൈ മെമ്മോറിയൽ ട്രസ്റ്റ് അവാർഡ്, 2009 ലെ വയ്യാങ്കര മധുസൂദനൻ അവാർഡ് എന്നിവ നേടിയിട്ടുണ്ട്.