നാട്ടുരാജാവ്

പുലിക്കാട്ടിൽ ചാർളി പിതാവിന്റെ മരണശേഷം, സ്വന്തമായി ഒരു ബിസിനസ് സാമ്രാജ്യം സൃഷ്ടിക്കാൻ കഠിനമായി പരിശ്രമിച്ചു. ചാർളിയുടെ പിതാവ് പുലിക്കാട്ടിൽ മാത്തച്ചൻ ഒരു ക്രൂരനായ ഫ്യൂഡൽ ഭൂവുടമയായിരുന്നു.അയാൾ തന്റെ ജീവിതകാലത്ത് ക്രൂരമായ കുറ്റകൃത്യങ്ങൾ ചെയ്തിട്ടുള്ള ആളായിരുന്നു.ഒരുകാലത്ത് പിതാവിന്റെ കൈകളിൽ നിന്ന് കഷ്ടത അനുഭവിച്ചവരെയെല്ലാം ചാർലി ഇപ്പോൾ സഹായിക്കുകയാണ്. ഭൂമിയുടെ ഉടമസ്ഥാവകാശം ആവശ്യപ്പെട്ട് മാത്തച്ചൻ ഇല്ലാതാക്കിയ ഇരുമ്പ് പണിക്കാരന്റെ മകൻ മണിക്കുട്ടനെ ചാർളി സ്നേഹനിധിയായ അനുജനായും വിശ്വസ്തനായും വളർത്തി.ആ വീട്ടിൽ ജോലിക്ക് നിന്നിരുന്ന കത്രീന എന്ന പെൺകുട്ടി അച്ഛന്റെ മകളാണെന്ന് ചാർളിക്ക് മാത്രമായിരുന്നു അറിയാമായിരുന്നത്. അമ്മയെയോ മുത്തശ്ശിയെയോ ഒരിക്കലും ആ സത്യം അറിയിക്കാതെ അവളുടെ വിവാഹം ചാർളി ആഘോഷപൂർവ്വം നടത്തി.

 പുലിക്കാട്ടിൽ മാത്തച്ചന്റെ മരണം കൊലപാതകമായിരുന്നു.തന്റെ കുടുംബാംഗങ്ങളെ കൊന്നതിന്റെ പ്രതികാരമായി കർണൻ ക്രൂരമായി കുത്തിക്കൊലപ്പെടുത്തുകയായിരുന്നു.ആ കൊലപാതകകുറ്റത്തിന് എട്ടു വർഷമായി ജയിലിൽ കഴിയുകയായിരുന്ന കർണൻ ചാർളിയെ കൊല്ലാനായി പുറത്തിറങ്ങാൻ കാത്തിരിക്കുകയായിരുന്നു.