ഭീമന്റെ വഴി

തൃശൂർ ജില്ലയിൽ കല്ലേറ്റുംകര ഗ്രാമത്തിലെ റെയിൽവേ പാതയോടു ചേർന്നു കിടക്കുന്ന സ്നേഹനഗർ കോളനിയിലാണ് ഭീമന്റെ കഥ നടക്കുന്നത്. ബൈക്ക് മാത്രം പോകാൻ വീതിയുള്ള വഴിയിൽ അമ്മയെ ആശുപത്രിയിൽ കൊണ്ടു പോകേണ്ടി വരുമ്പോഴുണ്ടാകുന്ന ബുദ്ധിമുട്ടാണ് വഴി വീതി കൂട്ടാനുള്ള ചിന്തയിൽ ഭീമൻ എന്നു നാട്ടുകാർ വിളിക്കുന്ന നായകനെ കൊണ്ടെത്തിക്കുന്നത്. നാട്ടുകാരെ സംഘടിപ്പിച്ചു പൊതുവഴിക്കു സമിതി രൂപീകരിക്കുന്നതും,അതിനു നേരിടേണ്ടി വരുന്ന വെല്ലുവിളികളും, പാരകളും, പ്രശ്നങ്ങളുമൊക്കെയാണ് ഭീമന്റെ വഴിയിലൂടെ അവതരിപ്പിച്ചിരിക്കുന്നത്.