സോഹൻ സീനുലാൽ

കൊച്ചി സ്വദേശി, രാഷ്ട്രീയ പ്രവർത്തകനായ സീനുലാലിന്റെ മകൻ. പത്താം ക്ലാസിൽ പഠിക്കുന്ന സമയത്താണ് ആദ്യമായി ക്യാമറക്ക് മുന്നിൽ എത്തുന്നത്. സിദ്ധിക്ക്-ലാൽ കൂട്ടുകെട്ടിന്റെ കാബൂളിവാല എന്ന ചിത്രത്തിൽ ഒരു ചെറു വേഷം ചെയ്ത് സിനിമയിലേക്ക് കടന്നു വന്നു. സിനിമയോട് ഇഷ്ടം തോന്നിയ അദ്ദേഹം പിന്നീട് സംവിധായകൻ ഷാഫിയുടെ അസിസ്റ്റന്റായി. സച്ചി-സേതുവിൻറെ തിരക്കഥയിൽ മമ്മൂട്ടിയെ നായകനാക്കി ഡബിൾസ് എന്ന ചിത്രം സംവിധാനം ചെയ്ത് സ്വതന്ത്ര സംവിധായകനായി. എബ്രിഡ് ഷൈനിന്റെ ആക്ഷൻ ഹീറോ ബിജുവിൽ ഒരു പോലീസുകാരന്റെ വേഷം അവതരിപ്പിച്ച് അഭിനയരംഗത്തേക്ക് കടന്നു.