വീണ്ടും ചില വീട്ടുകാര്യങ്ങൾ

തിരുമുറ്റത്ത് കൊച്ചുതോമ ഒരു നാടക സംഘത്തിലെ അംഗമായ ഒരു കലാസ്നേഹിയായിരുന്നു. കൊച്ചു തോമയുടെ മക്കളിൽ ഇളയവനായ റോയ്, അതേ ട്രൂപ്പിലെ അഭിനേതാവും എഴുത്തുകാരനും കൂടിയാണ്.കൊച്ചുതോമയും ഭാര്യ മേരിയുടെയും ആദ്യകാലം കഷ്ടപ്പാടുകളുടേതായിരുന്നു. ഇളയമകൻ റോയി ജനിച്ചപ്പോഴേക്കും അവരുടെ സാഹചര്യം മെച്ചപ്പെട്ടിരുന്നതിനാൽ റോയിയുടെ ബാല്യം സുഖകരമായിരുന്നു.മടിയനായിരുന്ന റോയ് ഓട്ടോമൊബൈൽ 

എഞ്ചിനീയറിംഗിൽ ഡിപ്ലോമ നേടിയിട്ടും ജോലിക്ക് പോകാൻ ശ്രമിച്ചിരുന്നില്ല.പള്ളി ഗായകസംഘത്തിലും നാടകസംഘത്തിലും സജീവമായിരുന്ന അവന് സിനിമാതരമാകാനായിരുന്നു ആഗ്രഹം.

ഒരു ദരിദ്ര കുടുംബത്തിലെ പെൺകുട്ടിയായ ഭാവന മാനസികരോഗിയായ അമ്മയെ നോക്കാൻ പല രീതിയിൽ കഷ്ടപ്പെടുന്നു.വിവിധ ഉൽപ്പന്നങ്ങൾ വിൽക്കാനായി വീടുകൾ തോറും അവൾ നടന്നു. ഒരു നാടകത്തിനു വേണ്ടി നായികയെ അന്വേഷിക്കുകയായിരുന്ന റോയ് ഭാവനയെ കണ്ടുമുട്ടുന്നു. പണം ആവശ്യമുള്ളതിനാൽ അവൾ ആ വേഷം സ്വീകരിക്കുന്നു.പിന്നീട് റോയ് അവളുമായി പ്രണയത്തിലാകുന്നു. അച്ഛന്റെ ആഗ്രഹത്തിന് വിരുദ്ധമായി അവൻ അവളെ വിവാഹം കഴിക്കുന്നതോടെ കൊച്ചു തോമ അവനെ വീട്ടിൽ നിന്നും പുറത്താക്കുന്നു.ശേഷം ഭാവനയുടെ ചെറിയ വീട്ടിൽ അവർ ദാമ്പത്യജീവിതം ആരംഭിക്കുന്നു.റോയ് താമസിയാതെ ജീവിതത്തിലെ ബുദ്ധിമുട്ടുകൾ അനുഭവിക്കാൻ തുടങ്ങുന്നു.ഭാവനയുടെ വരുമാനം മതിയാകാതെ വരുന്നു. ഒടുവിൽ റോയ് താൻ പഠിച്ച മേഖല വച്ച് വാഹനങ്ങളുടെ അറ്റകുറ്റപണികൾ ചെയ്ത് ഉപജീവനം നടത്താൻ തുടങ്ങുന്നു.