സീനിയേഴ്സ്
കോളേജ് പഠനം കഴിഞ്ഞ് 12 വര്ഷങ്ങള്ക്ക് ശേഷം ഒരു കോളേജിലെ നാല് ആത്മാര്ത്ഥ സുഹൃത്തുക്കള് ബിരുദാനന്തര ബിരുദത്തിനു വീണ്ടും അതേ കോളേജിലെത്തുന്നതാണ് മുഖ്യ പ്രമേയം. അതോടൊപം 12 വര്ഷങ്ങള്ക്ക് മുന്പ് അതേ കോളേജില് നടന്ന ഒരു കൊലപാതകത്തിന്റെ ചുരുളഴിയിക്കുന്നതും.
Actors & Characters
Actors | Character |
---|---|
പപ്പു / പത്മനാഭന് | |
ഫിലിപ്പ് ഇടിക്കുള | |
റഷീദ് മുന്ന | |
റെക്സ് | |
ജെനി | |
ഇന്ദു | |
അടിയോടി | |
ഉണ്ണിത്താന് | |
പ്രിന്സിപ്പാള് അലാവുദ്ദീന് റാവുത്തര് | |
ദമയന്തി ടീച്ചര് | |
തവള തങ്കപ്പന് | |
സി ഐ തോമസ് ജോര്ജ്ജ് | |
ഇടിക്കുളയുടെ ഭാര്യ എത്സമ്മ | |
ലക്ഷ്മി | |
കോളേജ് വിദ്യാർത്ഥി | |
റിനി | |
വടുതല വത്സല |
Main Crew
കഥ സംഗ്രഹം
മലയാള സിനിമയിലെ രണ്ടാം നിര നായകന്മാരെന്ന് വിശേഷിപ്പിക്കാവുന്ന ജയറാം, ബിജു മേനോൻ, മനോജ് കെ ജയൻ, കുഞ്ചാക്കോ ബോബൻ എന്നിവർ തുല്യപ്രാധാന്യമുള്ള നാലു വേഷത്തിൽ അഭിനയിച്ചു.
ജാസി ഗിഫ്റ്റ്, അലക്സ് പോൾ, അല്ഫോൺസ് ജോസഫ് എന്നീ സംഗീത സംവിധായകർ ഇതിന്റെ സംഗീത വിഭാഗം കൈകാര്യം ചെയ്തു.
പപ്പു എന്ന പത്മനാഭനും (ജയറാം) ഇടിക്കുള(ബിജു മേനോന്)യും മുന്ന(മനോജ് കെ ജയന്)യും റെക്സും(കുഞ്ചാക്കോ ബോബന്) ആത്മാര്ത്ഥ സുഹൃത്തുക്കളാണ്. 12 വര്ഷങ്ങള്ക്ക് മുന്പ് നഗരത്തിലെ മഹാത്മാ കോളേജിലെ ബിരുദ വിദ്യാര്ത്ഥികളുമായിരുന്നു. ആ പഠനകാലത്ത് സഹ വിദ്യാര്ത്ഥിയായിരുന്ന ലക്ഷ്മി(മീരാ നന്ദന്)യുടെ കൊലപാതകവുമായി ബന്ധപ്പെട്ട് ജയിലിലായിരുന്ന പപ്പു ജയില് മോചിതനായി തിരികെയെത്തി. അപ്പോഴേക്കും ഇടിക്കുളയും മുന്നയും വിവാഹിതനായിക്കഴിഞ്ഞിരുന്നു. ശാരിരിക വൈകല്യമുള്ള സഹോദരിക്കു വേണ്ടി റെക്സ് അവിവാഹിതനായി തുടര്ന്നു. തിരിച്ചുവരവിന്റെ ഉദ്ദേശ്യം പപ്പു തന്റെ കൂട്ടുകാരോട് അവതരിപ്പിച്ചു. “ മുന്പ് പഠിച്ച അതേ കോളേജില് വിദ്യാര്ത്ഥികളായി നമ്മള് നാലു പേരും വീണ്ടും പഠിക്കാന് പോകുന്നു”. പപ്പുവിന്റെ നിര്ദ്ദേശം മറ്റു മൂന്നുപേരും ആദ്യം നിരസിച്ചെങ്കിലും ആത്മാര്ത്ഥതയുള്ള, മുന്പ് കൊലപാതകത്തില് മറ്റുള്ളവര്ക്ക് വേണ്ടി ത്യാഗം ചെയ്ത പപ്പുവിന്റെ നിര്ദ്ദേശം അവര് അനുസരിച്ചു. നാലുപേരും വിദ്യാര്ത്ഥികളായി തിരികെ കോളേജിലെത്തി. പഴയ കാലഘട്ടത്തിലേയും പുതിയ കാലഘട്ടത്തിലേയും കോളേജ് വിദ്യാര്ത്ഥികളുടെ കാഴ്ചപ്പാടുകളും പെരുമാറ്റവും ചിത്രത്തിന്റെ നര്മ്മ മുഹൂര്ത്തങ്ങളാണ്.
കോളേജിലെ വിദ്യാര്ത്ഥിനി ജെനി (അനന്യ)യും കൂട്ടുകാരും ഈ നാലുപേരോടും കൂട്ടുകൂടുകയും ജെനിക്ക് പപ്പുവിനോട് സൌഹൃദത്തിനപ്പുറമുള്ള ഒരു ബന്ധമുണ്ടെന്ന് കോളേജില് സംസാരമുണ്ടാവുകയും ചെയ്യുന്നു. പണ്ട് പപ്പുവിന്റെ സഹപാഠിയായിരുന്നു ഇന്ദു (പത്മപ്രിയ) ആ കോളേജില് അദ്ധ്യാപികയാണിപ്പോള്. പണ്ട് പപ്പുവിനു ഇന്ദുവിനോട് ഒരു മൌനപ്രണയം ഉണ്ടായിരുന്നു. പക്ഷെ ആ കൊലപാതകത്തിനുശേഷം ഇന്ദു പപ്പുവിനോട് അകല്ച്ച പാലിച്ചു.
എന്നാല് നീണ്ട 12 വര്ഷങ്ങള്ക്ക് ശേഷം അതേ കോളേജില് പഠനത്തിനു വന്ന പപ്പു എന്ന പത്മനാഭനു ചില ലക്ഷ്യങ്ങള് ഉണ്ടായിരുന്നു. അന്ന് ആ കലോത്സവത്തില് ലക്ഷ്മിയെ കൊന്നത് ആര് എന്നറിയാനുള്ള ലക്ഷ്യം. 12 വര്ഷങ്ങള്ക്ക് ശേഷം ആ കൊലപാതകി വീണ്ടും അതേ കോളേജില് ഉണ്ടെന്നുള്ള തിരിച്ചറിവില് നിന്നായിരുന്നു പപ്പുവിന്റെ ആ തീരുമാനം..
കോളേജില് വീണ്ടും കലോല്ത്സവം വന്നെത്തി. 12 വര്ഷങ്ങള്ക്ക് മുന്പ് നടന്ന കൊലപാതകശ്രമം വീണ്ടും സംഭവിച്ചു. അന്ന് ലക്ഷ്മിയായിരുന്നെങ്കില് ഇന്ന് ആ സ്ഥാനത്ത് ജെനിയായിരുന്നു. കോളേജ് മുഴുവന് വീണ്ടും ഈ നാലുപേരെ തന്നെ സംശയിച്ചു. പക്ഷെ നിരപരാധിയായ പപ്പുവിനെ തിരിച്ചറിയുന്ന ഉണ്ണിത്താന് സാറടക്കമുള്ള പലരും ആ കോളേജില് ഉണ്ടായിരുന്നു. അവരെല്ലാവരും പപ്പുവിനോടൊപ്പം ചേര്ന്ന് യഥാര്ത്ഥ കൊലപാതകിയെത്തേടിയുള്ള തന്ത്രപരമായ നീക്കങ്ങള് തുടങ്ങി.
Audio & Recording
Video & Shooting
സംഗീത വിഭാഗം
നൃത്തം
പബ്ലിസിറ്റി വിഭാഗം
ഈ ചിത്രത്തിലെ ഗാനങ്ങൾ
നം. | ഗാനം | ഗാനരചയിതാവു് | സംഗീതം | ആലാപനം |
---|---|---|---|---|
1 |
ആരാമം നിറഞ്ഞേ |
സന്തോഷ് വർമ്മ | അൽഫോൺസ് ജോസഫ് | ബെന്നി ദയാൽ, ലക്ഷ്മി |
2 |
ഇത്തിരി ചക്കര |
സന്തോഷ് വർമ്മ | ജാസി ഗിഫ്റ്റ് | ജാസി ഗിഫ്റ്റ്, അനുരാധ ശ്രീറാം, ഇമ്രാൻ |
3 |
നേരം തെറ്റിപ്പോയാലും |
സന്തോഷ് വർമ്മ | അലക്സ് പോൾ | രമേശ് ബാബു, സന്തോഷ് ബാബു ശിവൻ, വിപിൻ സേവ്യർ, ശ്യാം പ്രസാദ് |
Attachment | Size |
---|---|
പ്രദീപ് മലയിൽക്കടയുടെ ശേഖരത്തിൽ നിന്നും | 158.58 KB |
Contributors | Contribution |
---|---|
പോസ്റ്ററും പ്ലോട്ട് & സിനോപ്സിസും അടക്കം പരമാവധി വിവരങ്ങളും ചേർത്തു |