ആർ വേണുഗോപാൽ

സ്വദേശം കുട്ടനാട്ടിലെ എടത്വാ. അച്ഛൻ പരേതനായ എൻ രാമചന്ദ്രൻ നായർ, അമ്മ രാധാമണിയമ്മ. കൊല്ലം തങ്കശേരിയിലെ ഇൻഫന്റ് ജീസസ് ആംഗ്ലോ ഇന്ത്യൻ ബോയ്സ് ഹൈസ്കൂളിലായിരുന്നു വിദ്യാഭ്യാസം. തുടർന്ന് കോതമംഗലം എം എ എൻജിനിയറിംഗ് കോളേജിൽ നിന്നും മെക്കാനിക്കൽ എൻജിനിയറിംഗിൽ ബിടെക് ബിരുദവും നേടി. മൈത്രി അഡ്വര്‍ടൈസിംഗിന്റെ സാരഥിയാണിപ്പോൾ വേണുഗോപാല്‍. 'സ്പാനിഷ് മസാല' ചിത്രത്തിലെ ഗാനങ്ങൾക്ക് രചന നിർവ്വഹിച്ചുകൊണ്ടാണ് വേണുഗോപാൽ മലയാള ചലച്ചിത്രലോകത്ത് തുടക്കമിടുന്നത്. തുടർന്ന് "ടാ തടിയാ" , "22 ഫീമെയിൽ കോട്ടയം", "ജവാന്‍ ഒാഫ് വെള്ളിമല" തുടങ്ങിയ സിനിമകൾക്കും ഗാനങ്ങള്‍ രചിച്ചു. ലാല്‍ജോസിന്റെ പുതിയ ചിത്രമായ "നീന" യുടെ തിരക്കഥ, സംഭാഷണം രചിച്ചുകൊണ്ട് ആ മേഖലയിലേക്കും കടന്നിരിക്കയാണിപ്പോൾ വേണുഗോപാൽ. ഭാര്യ മിനി വേണുഗോപാൽ. മക്കൾ നിഖിൽ വി നായർ, നിതിൻ വി നായർ.

വേണുഗോപാലിന്റെ എഫ് ബി പേജ് Venugopal Ramachandran Nair