ഹരീഷ് ശിവരാമകൃഷ്ണൻ

Harish Sivaramakrishnan
Date of Birth: 
Saturday, 27 September, 1980
ആലപിച്ച ഗാനങ്ങൾ: 11

സ്റ്റേറ്റ് ബാങ്ക് ഉദ്യോഗസ്ഥനായിരുന്ന ശിവരാമകൃഷ്ണൻ്റെ മകനായി പാലക്കാട് ഷൊർണ്ണൂരിൽ ജനനം . നാട്ടിലെ സ്കൂൾ വിദ്യാഭ്യാസത്തിന് ശേഷം ബിറ്റ്സ് പിലാനിയിൽ നിന്നും കെമിക്കൽ എഞ്ചിനീയറിങ്ങിൽ ബിരുദം നേടി. തുടർന്ന് സോഫ്റ്റ്വെയർ എഞ്ചിനീയർ ആയി പല കമ്പനികളിലും പ്രവർത്തിച്ചു. ഇപ്പോൾ CRED എന്ന കമ്പനിയിൽ ജോലി ചെയ്യുന്നു. 

കർണ്ണാടക-ഹിന്ദുസ്ഥാനി സംഗീതം കൂട്ടിയിണക്കി സുഹൃത്തുക്കളോടൊപ്പം അഗം എന്ന സംഗീതട്രൂപ്പ്  സ്ഥാപിച്ച് ഇന്ത്യയൊട്ടാകെ സംഗീത മേളകൾ നടത്തി വരുന്നു. നിരവധി റേഡിയോ ജിംഗിളുകളിലും സംഗീതസംരംഭങ്ങളിലും ഭാഗമായ ഹരീഷ് "ജവാൻ ഓഫ് വെള്ളിമല"യിലെ മറയുമോ എന്ന് തുടങ്ങുന്ന ഗാനത്തിലൂടെ മലയാളസിനിമയിൽ തുടക്കം കുറിച്ചു.

ഭാര്യ ആശയ്ക്കും മകൾ ശ്രേയക്കും ഒപ്പം ബെംഗളൂൂരുവിൽ താമസം .