ഉണ്ട

മാവോയിസ്റ്റ് ഭീഷണി നിലനിൽക്കുന്ന ഛത്തീസ്‌ഗഡിലേക്ക് ഇലക്ഷൻ ഡ്യൂട്ടിക്കായി പോകുന്ന കേരളാ പോലീസിലെ ഒരു ബറ്റാലിയൻ പോലീസുകാരുടെ തലവനാണ് സി ഐ മാത്യൂസ് ( രഞ്ജിത്ത്), സി ഐ മാത്യൂസിന്റെ സംഘത്തിലെ അംഗങ്ങളാണ് സബ് ഇൻസ്പെകറ്റർ മണികണ്‌ഠൻ ( മമ്മൂട്ടി), കോൺസ്റ്റബിൾസായ ജോജോ ( ഷൈൻ ടോം ചാക്കോ), ബിജുകുമാർ ( ലുക്മാൻ ലുക്കു), ഗോകുലൻ ( ഗോകുലൻ ബാലചന്ദ്രൻ), അജി പീറ്റർ ( റോണി ഡേവിഡ് ),ഗിരീഷ് ടി പി ( അർജ്ജുൻ അശോകൻ), തുടങ്ങിയവർ. ഛത്തീസ് ഗഡിലെ മാവോയിസ്റ്റ് സാന്നിധ്യം ഏറെയുള്ള ഒരു ഗ്രാമത്തിലേക്ക് ഈ സംഘത്തെ അയക്കുന്നു. എന്നാൽ മാവോയിസ്റ്റ് തീവ്രവാദികളോട് ഏറ്റുമുട്ടാൻ വേണ്ട ആയുധങ്ങളോ തോക്കുകളോ അതിലെ ഉണ്ടകളോ ഒന്നുമില്ലെന്ന് മനസിലാവുന്നതോടെ ഈ പോലീസ് സംഘം ഭീതിയിലാവുന്നു. നാട്ടിലെ മീഡിയ സുഹ്ര്ത്തുക്കൾ വഴി മണി ഈ അവസ്ഥ നാട്ടിലറിയിക്കുകയും ഇലക്ഷൻ ദിനത്തിൽ തീവ്രവാദി ആക്രമണം ഉണ്ടാവുന്നതിനു മുമ്പു തന്നെ ചെറുപ്പ്നിൽപ്പിനാവശ്യമായ തോക്കിന്റെ ഉണ്ടകൾ കേരളത്തിൽ നിന്ന് എത്തിക്കാമെന്ന് മേലധികാരികളുടെ ഉറപ്പ് സമ്പാദിക്കുകയും ചെയ്യുന്നു..