ജോമോന്റെ സുവിശേഷങ്ങൾ

വ്യവസായിയായ വിൻസെന്റിന്റെ മൂന്നാമത്തെ മകനാണ് ജോമോൻ.മകനോട് വളരെ ഇഷ്ടമുള്ള വിൻസെന്റ്, അവനിൽ ഉത്തരവാദിത്വബോധം വളർത്താൻ നിരന്തരം ശ്രമിക്കുന്നുവെങ്കിലും പരാജയപ്പെടുന്നു.വിൻസെന്റ് ജോമോനെ ജെന്റ്സ് വെയർ സ്റ്റോറിന്റെ ചുമതല ഏൽപ്പിക്കുന്നു.പക്ഷേ വിൻസെന്റിനെ നിരാശപ്പെടുത്തിക്കൊണ്ട് ജോമോൻ അത് സ്റ്റോർ മാനേജർക്ക് നാൽപ്പത് ലക്ഷം രൂപയ്ക്ക് വിൽക്കുന്നു. തന്റെ സുഹൃത്തായ മുഷ്താഖിനൊപ്പം തിരുപ്പൂരിലെ ഒരു ടെക്‌സ്‌റ്റൈൽ സ്‌റ്റോറിന്റെ മാനേജിംഗ് പാർട്‌ണറായി നിക്ഷേപം നടത്തുന്നതിനായി ജോമോൻ തന്റെ വിലകൂടിയ മോട്ടോർസൈക്കിളിനൊപ്പം സ്റ്റോർ വിറ്റതായി പിന്നീട് വെളിപ്പെട്ടു.

അതിനിടയിലാണ് വിൻസെന്റിന് സാമ്പത്തിക തകർച്ച സംഭവിക്കുന്നത്. അയാളുടെ സ്വത്തുക്കളെല്ലാം നഷ്ടപ്പെടുകയും വീട്ടിൽ നിന്ന് പുറത്താക്കപ്പെടുകയും ചെയ്യുന്നു. മറ്റെല്ലാ കുടുംബാംഗങ്ങളാലും ഉപേക്ഷിക്കപ്പെട്ട അദ്ദേഹം തിരുപ്പൂരിൽ ജോമോനോടൊപ്പം ചേരുന്നു.അവിടെ അവർ ലളിതമായ ജീവിതം നയിക്കാൻ തുടങ്ങുന്നു.കുടുംബത്തിന്റെ പുതിയ സാമ്പത്തിക ഞെരുക്കം കാരണം തന്റെ പ്രണയിനിയായിരുന്ന കാതറിനുമായുള്ള ബന്ധം അവസാനിപ്പിക്കാൻ ജോമോൻ നിർബന്ധിതനാകുന്നു.മുഷ്താഖിന്റെ വഴിവിട്ട ജീവിതശൈലിയുടെ ഫലമായി പുതിയ ബിസിനസ്സ് സംരംഭം പരാജയപ്പെടുന്നതിനാൽ തിരുപ്പൂരിലെ ജോമോന്റെ ജീവിതം പ്രതിസന്ധിയിലാവുന്നു. അവൻ ഒരു ടെക്‌സ്റ്റൈൽ കമ്പനിയിൽ സെയിൽസ്‌മാനായി ജോലി ചെയ്യാൻ തുടങ്ങുന്നു.അതിനിടയിൽ ഒരു ടെക്‌സ്‌റ്റൈൽ നിർമ്മാണ കമ്പനിയിലെ അക്കൗണ്ടന്റായ വൈദേഹിയുമായി സൗഹൃദത്തിലാകുന്നു. വിൻസെന്റ് ഒരു തയ്യൽക്കാരന്റെ ജോലി ഏറ്റെടുക്കുന്നു.