കപ്പേള

വയനാട്ടിലെ പൂവർമലയിൽ നിന്നും കോഴിക്കോട് നഗരത്തിലേക്ക് ഒരു മഴദിവസത്തിൽ  ജെസി എന്ന പെൺകുട്ടി കെഎസ്ആർടിസി ബസ് കയറുന്നതോടുകൂടിയാണ് സിനിമ ആരംഭിക്കുന്നത്. പൂവാറൻമല എന്ന കുടിയേറ്റ മലയോരഗ്രാമത്തിലെ വർഗീസ് എന്ന കൊച്ചു  കർഷകന്റെ മകൾ ജെസി അവൾ റോങ് നമ്പറിലൂടെ പരിചയപ്പെട്ട/ഇതുവരെ കാണാത്ത വിഷ്ണുവെന്ന ഓട്ടോ ഡ്രൈവറെ കാണാനാണ് ബസ്സിലെ ആ യാത്ര.

ഗ്രാമത്തിൽ തുണിക്കട നടത്തുന്ന ആളുമായി വിവാഹം ഉറപ്പിച്ചതിന്നാൽ താൻ പ്രണയിക്കുന്ന ആളെ കാണാൻ വീട്ടുകാർ ഇല്ലാത്ത സമയത്ത്  അയൽപക്കത്തുള്ള തന്റെ കൂട്ടുകാരിയോട് മാത്രം പറഞ്ഞ് ജെസ്സി കോഴിക്കോട്ടേക്ക് പോകുന്നത്. കോഴിക്കോട് എത്തിയ ജെസി ബസ് സ്റ്റാൻഡിൽ വിഷ്ണുവിനെ കാത്ത് നിന്ന ജെസ്സിക്ക് അവിടെ എത്താമെന്ന് പറഞ്ഞ വിഷ്ണുവിനെ കാണാനാവുന്നില്ല. പല കാരണങ്ങളാൽ ഫോണിൽ അയാളെ ജെസിക്ക്  കിട്ടിയുമില്ല. 

കോഴിക്കോട് വന്ന വിഷ്ണുവിന് തന്റെ ഫോൺ ബസ് സ്റ്റാൻ‌ഡിൽ വച്ച് നഷ്ടപ്പെടുന്നു. അത് കിട്ടുന്നത് കണ്ണൂരിൽ നിന്ന് അവിടെ ഇന്റർവ്യൂവിനായി എത്തിയ റോയിക്കാണ്. തുടർന്ന് ജെസ്സി വിളിക്കുന്ന കോൾ റോയി എടുക്കുകയും അവളെ സ്റ്റാൻഡിൽ വച്ച് കണ്ടുമുട്ടുന്നു. താൻ പ്രണയിക്കുന്ന വിഷ്ണു റോയി ആണെന്ന്  ജെസ്സി വിചാരിക്കുന്നു. 

പിന്നീട് നടക്കുന്ന സംഭവങ്ങൾ അതുവരെ സിനിമ കണ്ട പ്രേക്ഷകരെ മുഴുവൻ വേറെ തലങ്ങളിലേക്ക് കൊണ്ടുപോകുകയാണ്. തുടർന്നുണ്ടാകുന്ന സംഭവങ്ങൾ സിനിമ കണ്ടുതന്നെ അറിയേണ്ടതാണ്.