മഞ്ജു വാര്യർ

കേരള സ്കൂൾ യുവജനോത്സവത്തിൽ രണ്ടുതവണ കലാതിലകമായ മഞ്ജു വാര്യർ, നൃത്തരംഗത്തുനിന്നും ചലച്ചിത്രലോകത്തെത്തിയ അഭിനേത്രിയാണ്. പതിനേഴാം വയസ്സിൽ സാക്ഷ്യം എന്ന ചിത്രത്തിലൂടെയാണ് മലയാളസിനിമയുടെ ഭാഗമായത്. സല്ലാപത്തിലൂടെ നായികയായി അരങ്ങിലെത്തിയ അവർ അടുത്ത മൂന്നുവർഷത്തിനുള്ളിൽ  ഇരുപതോളം മലയാളചിത്രങ്ങളിൽ അഭിനയിച്ചു.

ഈ പുഴയും കടന്ന് എന്ന ചിത്രത്തിലെ അഭിനയം മികച്ച നടിക്കുള്ള സംസ്ഥാന സർക്കാറിന്റെ പുരസ്‌കാരം മഞ്ജുവിന് നേടിക്കൊടുത്തു.

ചെമ്പഴുക്കാ ചെമ്പഴുക്കാ എന്ന ഗാനത്തിലൂടെ സിനിമ ഗാനാലാപനത്തിലും കൈവെച്ച മഞ്ജു, ജാക്ക് ആൻഡ് ജിൽ എന്ന സിനിമയിൽ ആലപിച്ച കിം കിം കിം എന്ന പാട്ട് വൈറൽ ആയി. പതിനാലു വർഷത്തെ ഇടവേളക്ക് ശേഷം ഹൗ ഓൾഡ് ആർ യു എന്ന ചിത്രത്തിലൂടെ അഭിനയ രംഗത്തും തിരിച്ചെത്തി.

സംവിധായകനും അഭിനേതാവുമായ  മധു വാര്യർ സഹോദരൻ ആണ്. മകൾ മീനാക്ഷി.

ഫേസ്ബുക്ക് പേജ്