രാജൻ ശങ്കരാടി
ബാലചന്ദ്രമേനോന്റെയും ഭാരതിയമ്മയുടെയും മകനായി എറണാകുളം ജില്ലയിലെ ചെറായിയിൽ ജനിച്ചു. അദ്ദേഹത്തിന്റെ യഥാര്‍ത്ഥ പേര് സി രാജഗോപാല്‍ എന്നായിരുന്നു. പ്രശസ്ത ചലച്ചിത്ര നടൻ ശങ്കരാടി രാജഗോപാലിന്റെ അമ്മാ മായിരുന്നു. വിദ്യാര്‍ഥിയായിരിക്കുമ്പോള്‍ത്തന്നെ നാടകങ്ങളില്‍ സജീവമായിരുന്നു രാജൻ ശങ്കരാടി.
ആലുവ യു സി കോളേജില്‍നിന്ന് ഡിഗ്രി കഴിഞ്ഞ് ജോലി തേടിയാണ് അദ്ദേഹം മദ്രാസിൽ എത്തുന്നത്. രാജന്‍ ശങ്കരാടിയുടെ സിനിമാ പ്രവേശത്തിന് വഴിയൊരുക്കിയത് ആ മദ്രാസ് ജീവിതമായിരുന്നു. ബാലചന്ദ്ര മേനോന്റെ ആദ്യ ചിത്രമായ ഉത്രാടരാത്രിയില്‍ സംവിധാന സഹായിയായി ആയിരുന്നു തുടക്കം. ജോഷിയുടെ നിരവധി ചിത്രങ്ങളിൽ ചീഫ് അസോസിയേറ്റായി പ്രവർത്തിച്ചിട്ടുണ്ട്.
1985 ലാണ് സ്വതന്ത്ര സംവിധാന രംഗത്തേക്ക് കടക്കുന്നത്. വേണു നാഗവള്ളി തിരക്കഥ രചിച്ച ഗുരുജി ഒരു വാക്ക് ആയിരുന്നു പ്രഥമ സംവിധാന സംരംഭം. രണ്ടാമത് പുറത്തിറങ്ങിയത് ദീലിപിന്റെ മീനത്തിൽ താലികെട്ട്. പിന്നീട് സംവിധാനം ചെയ്ത ക്ലിയോപാട്ര വിജയിച്ചില്ല. 2016 ആഗസ്ത് ഒന്നിന് രാജൻ ശങ്കരാടി ഹൃദയസ്തംഭനം മൂലം ആലുവയിൽ വച്ച് അന്തരിച്ചു.
ഭാര്യ ഉഷ, മകള്‍ പാര്‍വ്വതി
അവലംബം : ജോഷിയുടെ ഫേസ്ബുക്ക്‌ പോസ്റ്റ്‌, റോറ്റ്നി