എന്റെ വീട് അപ്പൂന്റേം

ഭാര്യ മീരയും സ്കൂൾ കുട്ടിയായ മകൻ വസുദേവുമടങ്ങുന്ന ചെറിയ സന്തുഷ്ട കുടുംബമായിരുന്നു വിശ്വനാഥന്റേത്. വസുദേവിന്റെ രണ്ടാനമ്മയാണ് മീരയെങ്കിലും സ്വന്തം മകനെപ്പോലെ അവൾ വസുവിനെ സ്നേഹിച്ചു. വസുദേവും മീരയും കൂട്ടുകാരെപ്പോലെ ഇടപഴകുകയും കാര്യങ്ങൾ പങ്കു വെക്കുകയും ചെയ്തവരായിരുന്നു. മീരയ്ക്ക് ഒരു കുഞ്ഞു ജനിച്ചപ്പോൾ അതിൽ അങ്ങേയറ്റം സന്തോഷിച്ച വസുദേവ് തന്റെ കുഞ്ഞനിയന് അപ്പുവന്നു പേരിട്ടു. അപ്പുവിനെ സ്നേഹിക്കുകയും പരിപാലിക്കുകയും ചെയ്ത് വസുദേവിന് പതിയെ അച്ഛനുമമ്മയ്ക്കും തന്നോടുള്ള സ്നേഹവും ശ്രദ്ധയും കുറഞ്ഞതായും അപ്പുവിന് കൂടുതൽ പരിഗണന ലഭിക്കുന്നതയും തോന്നിത്തുടങ്ങി. ഓരോ അവസരത്തിലും തന്നെ മാറ്റി നിർത്തുന്നതായി തോന്നിയ വസുദേവ് ഒരിക്കൽ അച്ഛനുമായി വഴക്കിലായി. വഴക്കിനിടയിൽ നിയന്ത്രണം വിട്ട് അച്ഛൻ വാസുദേവിനെ അടിച്ചതോടെ സങ്കടവും അമർഷവും സഹിക്കവയ്യാതെ വസുദേവ് അപ്പുവിനെ ഉപദ്രവിക്കുകയും അബദ്ധവശാൽ അപ്പു മരണപ്പെടുകയും ചെയ്തു.