കാംബോജി

അറുപതുകളിൽ വള്ളുവനാട്ടിലെ ഒരു നമ്പൂതിരി മനയിൽ കഥകളി നടന് നേരിടേണ്ടി വന്ന അനുഭവ തീവ്രതയാണ് കാംബോജി എന്ന ചിത്രത്തിന്റെ ഇതിവൃത്തം. വർഷങ്ങൾക്ക് മുൻപ് പാലക്കാട് ജില്ലയിലെ വെള്ളിനേഴിയില്‍നിന്നും കുഞ്ഞുണ്ണി എന്ന കലാകാരനെ പോലീസുകാര്‍ പിടിച്ചുകൊണ്ടുപോയി. കിള്ളികുറിശിമംഗലം എന്ന മറ്റൊരു പാലക്കാടന്‍ഗ്രാമത്തില്‍ ഉമ എന്നൊരു യുവതി അയാള്‍ക്കുവേണ്ടി കാത്തിരുന്നു. ഉമയുടെ സ്വപ്നങ്ങളില്‍ കുഞ്ഞുണ്ണി ആരെയും കൊതിപ്പിക്കുന്ന കാമുകനായി നിറഞ്ഞാടി. അവരുടെ പ്രണയത്തില്‍ ആ ഗ്രാമം മുഴുവനും ചേര്‍ന്നു നിന്നിരുന്നു.കുഞ്ഞുണ്ണിയുടെ യാത്ര എങ്ങോട്ടായിരുന്നു?ഉമയുടെ കാത്തിരിപ്പിന് അര്‍ത്ഥമുണ്ടായോ?കേരളം അതിന്റെ ബാല്യത്തില്‍ കണ്ട ഞെട്ടിക്കുന്ന ആ കാഴ്ച എന്തായിരുന്നു?ഏറെ നിഗൂഢമായ ആ സംഭവത്തിന്ടെ ചുരുള്‍ അഴിയുകയാണ് കാംബോജി എന്ന ചിത്രത്തിലൂടെ.