സൗണ്ട് തോമ
കൊടുവള്ളി എന്ന കുഗ്രാമത്തിലെ മുറിച്ചുണ്ടനായ തോമക്ക് സംഭവിക്കുന്ന അബദ്ധങ്ങളും റേഡിയോ ജോക്കിയായ ശ്രീലക്ഷ്മിയോടു തോന്നുന്ന വൺ വേ പ്രണയവും നർമ്മരൂപത്തിൽ അവതരിപ്പിക്കുന്നു. എല്ലാവരാലും വെറുക്കപ്പെടുന്ന തോമയുടെ നന്മയെ അവസാനം ഗ്രാമം തിരിച്ചറിയുന്നതാണ് സിനിമാന്ത്യം.
Actors & Characters
Actors | Character |
---|---|
തോമാ | |
ശ്രീലക്ഷ്മി | |
മത്തായി | |
കൊച്ചുവീട്ടിൽ മാണി | |
പ്ലാപ്പറമ്പിൽ പൗലോ | |
ഒരുപ്പിടി | |
ഭാഗവതർ (ശ്രീലക്ഷ്മിയുടെ അച്ഛൻ) | |
എസ് ഐ രാകേഷ് | |
തെങ്ങുകയറ്റക്കാരൻ | |
മെമ്പർ കുട്ടൻ പിള്ള | |
ഫാ. വെട്ടുചിറ അച്ചൻ | |
‘തോമ‘ തിയ്യറ്റർ മാനേജർ | |
നാട്ടുകാരൻ | |
പെട്ടിക്കടക്കാരൻ | |
ജോയിക്കുട്ടി | |
ജോയിക്കുട്ടിയുടെ ഭാര്യ സിന്ധു | |
മത്തായിയുടെ ഭാര്യ | |
രാകേഷിന്റെ അമ്മാവൻ | |
ശ്രീലക്ഷ്മിയുടെ അമ്മ | |
കഥ സംഗ്രഹം
ശബ്ദവൈകല്യമുള്ള മുറിച്ചുണ്ടന് കഥാപാത്രമായി ദിലീപ് പ്രത്യക്ഷപ്പെടുന്ന ചിത്രമാണ് സൗണ്ട് തോമ. മുറിച്ചുണ്ട് കൂടാതെ തോമയുടെ മൂക്കിനും ചെറിയ വളവുണ്ട്. കണ്ടാല് തത്തമ്മചുണ്ടു പോലെ തന്നെ.
ഈ ചിത്രത്തിൽ ദിലീപ് ഒരു ഗാനം ആലപിക്കുന്നു. റിലീസിനു മുൻപ് തന്നെ ഈ ഗാനം യൂ ട്യൂബിൽ കൂടുതൽ പേർ കണ്ട റിക്കാർഡ് ആയിരുന്നു.
കൊടുവള്ളി ഗ്രാമത്തിൽ വർഷങ്ങൾക്ക് മുൻപൊരു കൃസ്തുമസ് രാത്രിയിലാണ് കൊടും പലിശക്കാരൻ പ്ലാപ്പറമ്പിൽ പൌലോ (സായ്കുമാർ)ക്ക് മൂന്നാമത്തെ മകനായി തോമ ജനിക്കുന്നത്. പക്ഷെ ജന്മനാ തോമ മുറിച്ചുണ്ടനായിരുന്നു. ഒരു സർജറിയിലൂടെ മുറിച്ചുണ്ട് ശരിയാക്കാം എന്ന് ഡോക്ടർമാർ പറഞ്ഞെങ്കിലും പലിശക്കാരനും പിശുക്കനുമായ പൌലോ ഓപ്പറേഷനുവേണ്ടി പണം ചിലവാകുമെന്നതിനാൽ അത് വേണ്ടെന്നു വക്കുന്നു. കാലങ്ങളേറെ കഴിഞ്ഞ് പൌലോ വലിയ കൊള്ളപ്പലിശക്കാരനും കരയിലെ പല വ്യാപാര സ്ഥാപനങ്ങളുടെ ഉടമയുമാകുന്നു. കരയിലെ പാവങ്ങളുടെ പുരയിടം പലിശയുടെ പേരിൽ പൈലി കയ്യടക്കുന്നു. പൈലിയുടേ മക്കളിൽ മൂത്തവനായ മത്തായി(മുകേഷ്) ഒരു മുസ്ലീം പെൺകുട്ടിയെ വിവാഹം കഴിച്ചതിനാൽ പൌലോ മത്തായിയെ വീട്ടിൽ നിന്നും പുറത്താക്കുന്നു. മുസ്ലീം പെൺകുട്ടിയെ (രശ്മി ബോബൻ) വിവാഹം കഴിച്ചതുകൊണ്ട് മത്തായി മുസ്ലീമായി മതം മാറി മമ്മദ് എന്ന പേരിൽ മീൻ കച്ചവടം ചെയ്തു ജീവിക്കുന്നു. മമ്മദിന്റെ അയൽ വാസിയാണ് ഭാഗവതരും (വിജയരാഘവൻ) കുടുംബവും ഭാഗവതരുടെ മകളായ ശ്രീലക്ഷ്മി (നമിത പ്രമോദ്) റേഡിയോ ജോക്കിയായി നഗരത്തിൽ ജോലി ചെയ്യുന്നു. അപ്പന്റെ ബിസിനസ്സിൽ സഹായിക്കുന്ന തോമക്ക്(ദിലീപ്) ശ്രീലക്ഷ്മിയോട് വല്ലാത്ത പ്രേമമാണ്. എന്നാൽ ശബ്ദം കൊണ്ട് ജോലി ചെയ്യുന്ന ശ്രീലക്ഷ്മിയാകട്ടെ ശബ്ദം വികൃതമായ തോമയെ ഇഷ്ടപ്പെടുന്നില്ല. പൌലോ എതിർക്കുന്ന മൂത്ത മകൻ മത്തായിയോടും കുടുംബത്തോടും തോമക്ക് സ്നേഹമാണ്. മത്തായിയുടെ വീട്ടിൽ എപ്പോഴും എത്തുന്ന തോമയുടെ ഉദ്ദേശം തൊട്ടടുത്ത വീട്ടിലെ ശ്രീലക്ഷ്മിയെ കാണുക എന്നതു കൂടിയാണ്.
അതിനിടയിലാണ് പുതുതായി ചാർജ്ജെടുത്ത സ്ഥലം എസ് ഐ പൌലോയുടെ വീട് റെയ്ഡ് ചെയ്യുന്നത്. എന്നാൽ റെയ്ഡിൽ ഒന്നും കണ്ടെടുത്തില്ല. എസ് ഐ യുടെ റെയ്ഡിനു മറ്റൊരു ഉദ്ദേശമുണ്ടായിരുന്നു. പണ്ട് പൌലോയുടെ സ്വകാര്യ ബാങ്കിൽ ജോലിക്കാരനായിരുന്നു എസ് ഐ യുടെ അച്ഛൻ. പണം തിരിമറിക്ക് പൌലോ അയാളെ പോലീസിനെക്കൊണ്ട് അറസ്റ്റു ചെയ്യിച്ചിട്ടുണ്ട്. അതിന്റെ പ്രതികാരം തീർക്കാനായിരുന്നു പൌലോയുടെ വീട്ടിലെ റെയ്ഡ്. ഇതിനിടയിൽ എസ് ഐ യാദൃശ്ചികമായി ശ്രീലക്ഷ്മിയെ കാണുന്നു. കണ്ട മാത്രയിൽ ഇഷ്ടം തോന്നിയ അയാൾ ശ്രീലക്ഷ്മിയെ വിവാഹം ആലോചിക്കുന്നു. ഭാഗവതരും കുടുംബവും അതിനു സമ്മതിക്കുന്നു.
ഇത് തോമയെ സങ്കടത്തിലാക്കുന്നു. കരയിലെ എല്ലാവർക്കും അറിയാമായിരുന്നു തോമക്ക് ശ്രീലക്ഷ്മിയോടുള്ള പ്രേമം. അതുകൊണ്ടു തന്നെ എല്ലാവരും തോമയുടെ അവസ്ഥയിൽ സങ്കടപ്പെടുന്നു. പൌലോക്കും തോമക്കുമെതിരെ എസ് ഐ തന്റെ പ്രതികാര നടപടികൾ കൂടുതലാക്കുന്നു. അത് പൌലോയുടെയും കുടുംബത്തിന്റേയും ദുരന്തത്തിലേക്ക് വഴി വെക്കുന്നു.
Audio & Recording
ശബ്ദം നല്കിയവർ |
---|
ചമയം
സംഗീത വിഭാഗം
നൃത്തം
Technical Crew
Production & Controlling Units
പബ്ലിസിറ്റി വിഭാഗം
ഈ ചിത്രത്തിലെ ഗാനങ്ങൾ
നം. | ഗാനം | ഗാനരചയിതാവു് | സംഗീതം | ആലാപനം |
---|---|---|---|---|
1 |
കണ്ടാൽ ഞാനൊരു സുന്ദരനാ |
നാദിർഷാ | ഗോപി സുന്ദർ | ദിലീപ് |
2 |
ഒരു കാര്യം പറയാമോ |
മുരുകൻ കാട്ടാക്കട | ഗോപി സുന്ദർ | ഉദിത് നാരായണൻ, ശ്രേയ ഘോഷൽ |
3 |
കന്നിപ്പെണ്ണേ കൺകദളിത്തേനേകാപി |
രാജീവ് ആലുങ്കൽ | ഗോപി സുന്ദർ | ശങ്കർ മഹാദേവൻ, റിമി ടോമി |
Contributors | Contribution |
---|---|
പ്രധാന വിവരങ്ങളും കഥാസാരവും ചേർത്തു |
Edit History of സൗണ്ട് തോമ
Updated date | എഡിറ്റർ | ചെയ്തതു് |
---|---|---|
26 Feb 2023 - 14:57 | Sebastian Xavier | |
16 Mar 2022 - 17:13 | Achinthya | |
26 Jul 2021 - 15:41 | Sebastian Xavier | |
15 Jan 2021 - 19:41 | admin | Comments opened |
25 Nov 2020 - 11:22 | Santhoshkumar K | |
16 Nov 2020 - 11:43 | admin | |
15 Oct 2017 - 14:03 | Neeli | |
21 Jan 2016 - 10:16 | admin | |
18 May 2014 - 23:24 | Achinthya | |
18 May 2014 - 16:49 | Achinthya |
- 1 of 2
- അടുത്തതു് ›