മിസ്റ്റർ ബട്‌ലർ

പാചകക്കാരനായ ഗോപാലകൃഷ്ണൻ ഒരു ഫ്ലാറ്റിൽ എത്തുകയും പാചകത്തിലെ തന്റെ അത്ഭുതകരമായ വൈദഗ്ധ്യം കൊണ്ട് കെട്ടിടത്തിലെ എല്ലാ വീട്ടമ്മമാരെയും വിസ്മയിപ്പിക്കുകയും ചെയ്യുന്നു. ഒരു പറ്റം വീട്ടമ്മമാരുടെ സുഹൃത്തായി ഗോപാലകൃഷ്ണൻ മാറുന്നു.അവരിൽ പലരുടെയും ജീവിതത്തിലുണ്ടായിരുന്ന നിരവധി പ്രശ്നങ്ങൾ ഗോപാലകൃഷ്ണൻ പരിഹരിക്കുകയും അങ്ങനെ എല്ലാവരുടെയും വിശ്വാസം നേടുകയും ചെയ്യുന്നു. ഒരു ചാനലിൽ ഫുഡ് ഷോ അവതരിപ്പിക്കാനുള്ള അവസരം ലഭിച്ച ഗോപാലകൃഷ്ണൻ പരിപാടി അവതരിപ്പിക്കാൻ ചാനൽ ഓഫീസിലേക്ക് പോകുന്നു.എന്നാൽ അവിടെ വച്ച് രാധിക എന്ന പെൺകുട്ടിയോടൊപ്പം അവൻ ലിഫ്റ്റിൽ കുടുങ്ങുന്നു.പുറത്തു കടക്കാനുള്ള ശ്രമങ്ങൾ ഒന്നും വിജയിച്ചില്ല.തന്റെ നൂതന ഉപകരണങ്ങൾ കൊണ്ട് അതിനകത്ത് വെളിച്ചം തെളിക്കുകയും ഭക്ഷണമുണ്ടാക്കുകയും ചെയ്തു കൊണ്ട് അവൻ രാധികയുമായി അമ്പരപ്പിക്കുന്നു. പിറ്റേ ദിവസം അവർ പുറത്തു കടന്നു. താമസിയാതെ അവർ പ്രണയത്തിലാവുകയും രാധികയുടെ വീട്ടുകാരുടെ പിന്തുണയോടെ വിവാഹം കഴിക്കുകയും ചെയ്യുന്നു.ദാമ്പത്യ ജീവിതവുമായി മുന്നോട്ടു പോകവേ മല്ലിക എന്ന പെൺകുട്ടിയുമായി ഗോപാലകൃഷ്ണനെ കണ്ട രാധിക അവന് മറ്റൊരു ബന്ധമുണ്ടെന്ന് കരുതി അവനുമായി അകലുന്നു.അവൾ അവനോടൊപ്പം ജീവിക്കാൻ വിസമ്മതിക്കുകയും വിവാഹമോചനം ആവശ്യപ്പെടുകയും ചെയ്തു.