ജയൻ ക്രയോൺ

തൃശ്ശൂർ ജില്ലയിലെ ചാവക്കാട് സ്വദേശി. വിദ്യാഭ്യാസത്തിനു ശേഷം കൊമേഴ്‌സ്യൽ ആർട്ടിസ്റ്റായി കരിയർ ആരംഭിച്ചു. പിന്നീട് സിനിമാരംഗത്ത് കലാസംവിധാനത്തിൽ അസിസ്റ്റന്റ് ആയി. എം ബാവ, ഗിരീഷ് മേനോൻ, സാബു സിറിൽ, സതീഷ് കൊല്ലം, സന്തോഷ് രാമൻ എന്നീ കലാ സംവിധായകരുടെ കൂടെ ഒട്ടേറെ ചിത്രങ്ങളിൽ അസിസ്റ്റന്റ് ആർട്ട് ഡയറക്ടറായി. പിന്നീട് അഞ്ച് വർഷം ജോലിസംബന്ധമായി ഗൾഫിൽ (യു എ ഇ) പോയെങ്കിലും 2016 ൽ തിരിച്ചു നാട്ടിലെത്തി വീണ്ടും സിനിമയിൽ കലാസംവിധാന രംഗത്ത് തുടർന്നു . 2018 ൽ 'രക്തസാക്ഷ്യം' എന്ന ചിത്രത്തിലൂടെ സ്വതന്ത്ര കലാ സംവിധായകനായി. ശേഷം വിനായകൻ നായകനായ തൊട്ടപ്പൻ, ഇഷ്‌ക് , ജിമ്മി ഈ വീടിന്റെ ഐശ്വര്യം, ആനപ്പറമ്പിലെ വേൾഡ്കപ്പ് എന്നീ ചിത്രങ്ങൾ ചെയ്തു. ഇപ്പോൾ മണിയറയിലെ അശോകൻ, ചെമ്പൻ വിനോദ് നായകനാകുന്ന പുതിയ ചിത്രം എന്നിവയ്ക്ക് വേണ്ടി കലാ സംവിധാനം ചെയ്യുന്നു.