സൂത്രധാരൻ

അഞ്ചംഗ കുടുംബത്തെ ഭക്ഷണസാധനങ്ങൾ വിറ്റ് പോറ്റിയിരുന്ന രമേശൻ ചില പ്രത്യേക സാഹചര്യങ്ങളിൽ പാണ്ഡവപുരം എന്ന അതിർത്തി പട്ടണത്തിൽ എത്തുന്നു.അപരിചിതമായ ഒരു സ്ഥലമായത് കൊണ്ടു തന്നെ തുടക്കത്തിൽ പല ബുദ്ധിമുട്ടുകളും രമേശന് നേരിടേണ്ടി വന്നു.ഹിജഡയായിക്കൊണ്ട് ഉപജീവനം നടത്തുന്ന സുഹൃത്ത് ലീലാകൃഷ്ണനെയും രമേശന് ആശ്രയിക്കാൻ കഴിയില്ലായിരുന്നു.

ഒടുവിൽ വേശ്യാലയം നടത്തുന്ന ദേവുമ്മ അവന് അഭയം നൽകുന്നു.ആ വേശ്യാലയത്തിൽ നടക്കുന്നതെന്തെന്നറിയാത്ത അധികം പുറം ലോകം കാണാത്ത ശിവാനി എന്ന നിഷ്കളങ്കയായ ഒരു കൗമാരക്കാരി പെൺകുട്ടി അവിടെ താമസിച്ചിരുന്നു.റാണിയമ്മയുടെ തണലിലാണ് അവൾ അവിടെ വളർന്നിരുന്നത്.രമേശനെ കാണാനിടയായ ശിവാനി അവനുമായി പ്രണയത്തിലാകുന്നു.

വേശ്യാലയത്തിലെ പഴയ അന്തേവാസിയായ ഭാരതിയക്ക കന്യകമാരായ പെൺകുട്ടികളെ വിറ്റ് പണം സാമ്പാദിച്ചു കൊണ്ടിരുന്നു.ശിവാനിയെ പണക്കാരനും പൊങ്ങച്ചക്കാരനുമായ ജമീന്ദാറിന് വിൽക്കാൻ അവൾ ദേവുമ്മയെ പ്രേരിപ്പിക്കുന്നു. യാഥാര്‍ത്ഥ്യബോധത്തിനും ശിവാനിയോടുള്ള വാത്സല്യത്തിനും ഇടയിൽ കുടുങ്ങിയ ദേവുമ്മ തന്നെക്കൊണ്ടാവും വിധം പ്രശ്നങ്ങളെ നിയന്ത്രിച്ചു.എന്നാൽ ഒരു ഘട്ടത്തിൽ ദേവുമ്മയ്ക്ക് വേദനയോടെ ശിവാനിയെ വിൽക്കാൻ തീരുമാനിക്കേണ്ടതായി വന്നു.