നെറ്റിപ്പട്ടം

പീതാംബരൻ നാട്ടിലെ എന്തിനും ഏതിനും വേണ്ടപ്പെട്ടവനാണ്. നാട്ടിലെ ഏതു പ്രശ്നവും അയാൾ മൂലം പരിഹരിക്കപ്പെടുന്നു. പാവപ്പെട്ട പെൺകുട്ടികൾക്കു കല്യാണം, വഴി തർക്കം, പോലീസ് കേസ്, മരണാന്തര ചടങ്ങ് അങ്ങനെ ഓരോരോ മനുഷ്യനും അയാൾ സഹായിയാണ്. പക്ഷെ സ്വന്തം വീടിനെ പറ്റി ഒരു ചിന്തയുമില്ല എന്നതാണ് അയാളുടെ പ്രശ്നം. വയസ്സായ അമ്മയും കല്യാണപ്രായമായ രണ്ടു പെങ്ങന്മാരും അയാൾക്കുണ്ട്. പക്ഷെ അതൊന്നും അയാളെ അലട്ടുന്നതെ ഇല്ല. സ്വന്തം വീടിന്റെ ആധാരം വരെ കൂട്ടുകാരന് പണയം വെക്കാൻ നൽകിയിരിക്കുകയാണ് പീതാംബരൻ. അങ്ങനെ അയാൾ നാടു നന്നാക്കി നന്നാക്കി ജീവിതം തള്ളിനീക്കുമ്പോഴാണ് അയാളുടെ ജീവിതത്തിലേക്ക് ഇന്ദു എന്ന യുവതി കടന്നുവരുന്നത്..