ഷറഫുദ്ദിൻ

കുഞ്ഞുമോന്റേയും നബീസയുടേയും മകനായി എറണാംകുളം ജില്ലയിലെ ആലുവയിൽ ജനിച്ചു. സെന്റ് മേരീസ് സ്കൂൾ, സെന്റ് ഫ്രാൻസിസ് സ്കൂൾ എസ് എൻ ഡി പി സ്കൂൾ എന്നീ വിദ്യാലയങ്ങളിലായിരുന്നു ഷറഫുദ്ദീന്റെ പ്രാഥമിക വിദ്യാഭ്യാസം. ഹയർസെക്കൻഡറി വിദ്യാഭ്യാസത്തിനു ശേഷം ഷറഫുദ്ദീൻ ഓൺലൈൻ കോഴ്സുകൾ ചെയ്തു. കാർ സെയിൽസ് എക്സിക്യൂട്ടീവ് ആയി ജോലി ചെയ്യുകയും, പിന്നീട് സീസൻസ് ഇന്ത്യ ഹോളിഡേസ് എന്ന ഒരു ടൂറിസം സംരംഭം ആരംഭിക്കുകയും ചെയ്‌തു.

 ഷോർട്ട് ഫിലിമുകളിൽ അഭിനയിച്ചുകൊണ്ടാണ് ഷറഫുദ്ദീൻ തന്റെ കലാ ജീവിതം ആരംഭിക്കുന്നത്. 2013 -ൽ അൽഫോൻസ് പുത്രൻ സംവിധാനം ചെയ്ത നേരം എന്ന ചിത്രത്തിൽ അഭിനയിച്ചുകൊണ്ടാണ് ചലച്ചിത്ര രംഗത്ത് അരങ്ങേറുന്നത്. 2014 -ൽ ഓം ശാന്തി ഓശാന എന്ന സിനിമയിലും, 2015 ൽ പ്രേമം പ്രേമം എന്ന സിനിമയിലും അദ്ദേഹം അഭിനയിച്ചു. പ്രേമം എന്ന ചിത്രത്തിലെ ഗിരിരാജൻ കോഴി എന്ന കഥാപാത്രമാണ് ഷറഫുദ്ദീനെ ശ്രദ്ധേയനാക്കിയത്. ഹാപ്പി വെഡ്ഡിംഗ്, ഹലാൽ ലൗ സ്റ്റോറി, അഞ്ചാം പാതിരാ, വരത്തൻ, ആർക്കറിയാം, പ്രിയൻ ഓട്ടത്തിലാണ് എന്നിവയുൾപ്പെടെ നിരവധി സിനിമകളിൽ അഭിനയിച്ചു. ഭൂരിഭാഗവും കോമഡി റോളുകളായിരുന്നു. അഞ്ചാം പാതിര, വരത്തൻ, ആർക്കറിയാം എന്നീ സിനിമകളിൽ വ്യത്യസ്ത റോളുകളിൽ ശ്രദ്ധേയമായ പ്രകടനം കാഴ്ച്ചവെച്ചു. 

2015 -ലായിരുന്നു ഷറഫുദ്ദീൻ വിവാഹിതനായത്. ഭാര്യയുടെ പേര് ബീമ. ഷറഫുദ്ദീൻ - ബീമ ദമ്പതികൾക്ക് രണ്ടു മക്കളാണുള്ളത്.