ഇരിയ്ക്കൂ എം ഡി അകത്തുണ്ട്

അഭ്യസ്തവിദ്യർ എന്നാൽ, തൊഴിൽരഹിതരായ ജയൻ (മുകേഷ് ) സണ്ണി (സിദ്ധിക്ക് ) സുരേഷ് (സായികുമാർ ) റസാക്ക് (സെയിനുദ്ദീൻ) എന്നീ നാല് ചെറുപ്പക്കാർ പല സ്ഥലങ്ങളിൽ,പല സാഹചര്യങ്ങളിൽ കണ്ടുമുട്ടി പരിചയപ്പെട്ട് ഒരു സുഹൃത്ത് ബന്ധം സൃഷ്ടിച്ചെടുക്കുന്നു. തുല്യദുഖിതർ. നാല് പേരും ജോലി തേടി അലയുന്നവർ വീട്ടിൽ ധാരാളം പ്രാരാബ്ദങ്ങൾ ഉള്ളവർ. സണ്ണിക്ക് മറവി ഒരു അസുഖം പോലെകൂടെ കൂടിയിട്ടുണ്ട് ജയന്റെ ആശയം ആയിരുന്നു ഒരു പ്രൈവറ്റ് എംപ്ലോയ്മെന്റ് ബ്യുറോ തുടങ്ങുന്നത്. വലിയ പ്രൈവറ്റ് കമ്പനികളിലേയ്ക്ക് ജോലിക്കാരെ നൽകുക. അവരുടെ ഒരു മാസത്തെ ശമ്പളം ബ്യുറോയുടെ കമ്മീഷൻ ഓരോ ഉദ്യോഗാർത്ഥിയും അൻപതു രൂപ നൽകി രജിസ്ട്രേഷൻ ചെയ്യണം. അങ്ങനെ നല്ല ഒരു തുക അവരുടെ എംപ്ലോയ്മെന്റ് ബ്യുറോ ആയ സിൽവർ ഗേറ്റ് നേടി എടുത്തു.. കമ്പനികളിൽ കയറി ബിസിനസ്സ് ക്യാൻവാസ് ചെയ്യുമ്പോൾ ഈ നാൽവർ സംഘത്തെ ഇൻകം ടാക്സ്കാരാണെന്ന് തെറ്റിദ്ധരിച്ച് ഒരു കമ്പനി ഉടമ കുറെ രൂപയും നൽകി അങ്ങനെ സിൽവർ ഗേറ്റ് അവരുടെ സ്വന്തം ഓഫീസ് പ്രവർത്തനം ആരംഭിച്ചു. ആൻസി ശ്രീധരൻ (സുനിത ) അവിടെ ഒരു ഇന്റർവ്യൂവിന് വരുന്നു. ജയൻ ഇല്ലാത്ത ആ സമയത്ത് മറ്റു മൂന്നു പേരും കൂടി അനാവശ്യ ചോദ്യങ്ങൾ ചോദിച്ച് ആൻസിയെ പ്രകോപിപ്പിക്കുന്നത് കണ്ട് കൊണ്ടാണ് ജയൻ അവിടെ എത്തിയത്. തങ്ങളെപ്പോലെ തന്നെ ദാരിദ്യം നിറഞ്ഞ ഒരു കുടുംബത്തിൽ നിന്ന് വരുന്നവളാണെന്ന് മനസ്സിലാക്കി ആൻസിയെ സിൽവർ ഗേറ്റിലെ സ്റ്റേനോ ആയി നിയമിക്കുന്നു ജയൻ അവളോട് തോന്നിയ സഹതാപം മെല്ലെ മെല്ലെ ജയന് പ്രേമമായി മാറുന്നു. ഒരിക്കൽ അവളുടെ വീട്ടിൽ പോയി. കുടിയനായ അച്ഛൻ അവളുടെ ഏറ്റവും വലിയ തലവേദനയാണ്. അവൾക്ക് അധികം സാരികൾ പോലും ഇല്ല എന്ന് മനസ്സിലാക്കിയ ജയൻ അവൾക്ക് ഒരു സാരി സമ്മാനമായി നൽകി. അത് വാങ്ങാൻ വിസമ്മതിച്ച ആൻസിയോട് ജയൻ തനിക്ക് അവളോടുള്ള പ്രേമം തുറന്നു പറയുന്നു. അവൾക്കും അതിൽ താല്പര്യം ഉണ്ട്. ജോലിക്ക് രജിസ്റ്റർ ചെയ്തവർ അവിടെ വന്ന് ഒച്ച വച്ചു തുടങ്ങി. ആർക്കും ഒരു ജോലി പോലും ഇത് വരെ കൊടുക്കാൻ അവർക്ക് സാധിച്ചിട്ടില്ല. ഉടനെ ശരിയാകും എന്ന് മറുപടി നൽകും ജയനും കൂട്ടുകാരും. എന്നാൽ തങ്ങൾക്ക് അവരുടെ എം ഡി യെ കാണണം എന്ന് ജനങ്ങൾ വാശി പിടിക്കുമ്പോൾ എം ഡി പര്യടനത്തിലാണെന്ന് പറഞ്ഞ് അവർ തടി തപ്പും ഒരു യുവതിയുടെ മാല പൊട്ടിച്ചുകൊണ്ട് ഓടുന്ന കള്ളനെ പിടികൂടി മാല ആ യുവതിയെ തിരിച്ച് എൽപ്പിക്കുമ്പോഴാണ് സണ്ണി, മഞ്ജു(ഗീത വിജയൻ )വിനെ പരിചയപ്പെടുന്നത്. നഗരത്തിൽ ബേക്കറി നടത്തുന്ന സാമൂവൽ(ഇന്നസെന്റ്) എന്നയാളുടെ ഏക മകൾ അധികം സമയമെടുത്തില്ല ആ പരിചയം അനുരാഗമായി മാറാൻ നിരന്തരം പേര് രജിസ്റ്റർ ചെയ്തവർ ജോലിക്ക് വേണ്ടി ഓഫീസിൽ വന്ന് ഒച്ചപ്പാട് ഉണ്ടാക്കുന്നത് പതിവായി. അവർ എം ഡിയെ കാണണം എന്ന് പറയും അദ്ദേഹം ടൂറിലാണെന്ന സ്ഥിരം മറുപടി കിട്ടും. ഒരിക്കൽ അത് വാക്ക് തർക്കമായി സംഗതി പോലീസ് സ്റ്റേഷനിൽ എത്തി. സ്ഥലം എസ് ഐ ജയനും കൂട്ടുകാർക്കും ഒരാഴ്ചത്തെ സമയം നൽകി. ഒന്നുകിൽ ജോലി നൽകണം അല്ലെങ്കിൽ അവരുടെ രൂപ പലിശ സഹിതം മടക്കി കൊടുക്കണം. പക്ഷെ ഇത് രണ്ടും സാദ്ധ്യമാകാതെ പോയത് കൊണ്ട് രാത്രിയുടെ മറവിൽ സ്ഥലം വിട്ട് പോകാൻ അവർ തീരുമാനിച്ചു റെയിൽവേ സ്റ്റേഷനിലേക്കുള്ള യാത്രാമദ്ധ്യേയാണ് മറവിക്കാരനായ സണ്ണി തന്റെ സർട്ടിഫിക്കറ്റ് മറന്നു പോയ കാര്യം ഓർമ്മിച്ചത് കോരിച്ചൊരിയുന്ന ആ മഴയത്ത് അവർ നാല് പേരും ഓഫീസിൽ തിരിച്ചെത്തി സർട്ടിഫിക്കറ്റ് തിരച്ചിൽ തുടങ്ങി. അപ്പോൾ ആരോ വാതിലിൽ മുട്ടുന്നു. മഴയിൽ നനഞ്ഞ ഒരു സുന്ദരി(ചിത്ര ).അവൾ പരിഭ്രാന്തയായിരുന്നു. കരയുന്ന അവൾക്ക് അഭയം നൽകി അവളെ സാന്ത്വനിപ്പിക്കുവാൻ സുരേഷ് പോയി. ബാക്കി മൂന്നു പേരും മറ്റൊരു മുറിയിൽ ഇരുന്ന് ഉറങ്ങി. രാവിലെ ഉണർന്നെഴുനേറ്റ് മുറിയിൽ പോയി നോക്കിയപ്പോൾ അവിടെ ആ യുവതിയുടെ മൃതദേഹം കിടക്കുന്നു. സുരേഷിനെ കാണാനില്ല. പരിഭ്രാന്തരായ അവർ മൃതശരീരം അവിടെ നിന്നും മാറ്റണമെന്ന് നിച്ചയിച്ച് ഒരു പുതപ്പ് എടുക്കാൻ അലമാര തുറന്നപ്പോൾ അതിൽ നിന്നും സുരേഷിന്റെ ശവശരീരം നിലം പതിക്കുന്നു. എന്ത്‌ ചെയ്യണമെന്നറിയാതെ അവർ പകച്ചു പോയി. ആദ്യം മൃതദേഹങ്ങൾ അവിടെ നിന്നും മാറ്റണം. അവർ പുറത്തു പോയി കാർ കൊണ്ടു വന്നു നോക്കുമ്പോൾ രണ്ടു ശവശരീരങ്ങളും കാണുന്നില്ല. വീട്ടിൽ ആരൊക്കെയോ വന്ന് എന്തൊക്കെയോ തിരയുന്നു. മൂന്നു നാല് റൗഡികൾ. അവരെ അടിച്ചു തുരത്തിയപ്പോൾ അവരുടെ കയ്യിൽ നിന്നും കൊല്ലപ്പെട്ട യുവതിയുടെ ഹാൻഡ്ബാഗ് ലഭ്യമായി. അതിൽ അവളുടെ ഫോട്ടോയും ഫോട്ടോ എടുത്ത സ്റ്റുഡിയോയുടെ പേരും അവർക്ക് കിട്ടി. അങ്ങനെ അവർ സ്റ്റുഡിയോ ഉടമ ജോൺസന്റെ(ജഗദീഷ് ) അരികിൽ എത്തി ജോൺസനിൽ നിന്നും അവർ മരിച്ച യുവതിയെക്കുറിച്ച് എല്ലാം മനസ്സിലാക്കി അവളുടെ പേര് സുജാത. ജോൺസന്റെ നാട്ടുകാരി, പരിചയക്കാരി ജോലിക്ക് വേണ്ടി അലഞ്ഞു തിരിയുന്ന അവൾക്കും പട്ടിണിയുടെയും ദാരിദ്ര്യത്തിന്റെയും കഥകൾ മാത്രമേ ഉണ്ടായിരുന്നുള്ളൂ. ജോൺസന്റെ ശുപാർശയിൽ സുജാതയ്ക്ക് എം എൽ എ ശ്രീകുമാർ (റിസബാവ ) തന്റെ കമ്പനിയിൽ റിസെപ്ഷനിസ്റ്റ് ആയി ജോലി നൽകി. മെല്ലെ അവർ അടുത്തു. സുജാത ഗർഭിണിയായി. സുജാത വിവാഹം കഴിക്കാൻ നിർബന്ധിച്ചപ്പോൾ പല കാരണങ്ങൾ പറഞ്ഞ് അയാൾ അത് നീട്ടി കൊണ്ട് പോയി. തിരഞ്ഞെടുപ്പിൽ ജയിച്ച ശ്രീകുമാർ ആഭ്യന്തരമന്ത്രി ആയി സത്യ പ്രതിജ്ഞ ചെയ്യാനുള്ള തയ്യാറെടുപ്പിലാണ്. സുജാതയെ പതുക്കെ തഴയാൻ തുടങ്ങി. അവൾ തന്നെ അനുസരിക്കാത്തത് കൊണ്ട് അവളെ കൊല്ലാനുള്ള ശ്രമം തുടങ്ങി ആ രാഷ്ട്രീയക്കാരൻ.അങ്ങനെ അവിടെ നിന്നും രക്ഷപെട്ടുവന്നതാണ് അവൾ ജയന്റെ ഓഫീസിൽ അഭയം നേടാൻ ഇടയായത് അവളെ തിരക്കി വന്ന ശ്രീകുമാറും ഗുണ്ടകളും ചേർന്ന് സുജാതയെയും അവളെ രക്ഷിക്കാൻ ശ്രമിച്ച സുരേഷിനെയും കഴുത്ത് ഞെരിച്ചു കൊല്ലുകയായിരുന്നു.