സുരറാണി നീ സുകൃത രമണി

സുരറാണി നീ സുകൃത രമണി
സുമവേണി തേന്‍വാണി
തരുണീമണി നീ

മതിമോഹിനി നീ മതിശാലിനി നീ
മദമത്തേഭഗാമിനി സഖി നീ - മമ
മനോവിഹാരിണി നീ

വിണ്മലര്‍പ്പൊയ്കയില്‍ വെള്ളാമ്പല്‍ പോലെ
വിരിയുന്ന വെണ്ണിലാവെ പൂങ്കാവേ - പറയൂ
എന്നോമലെന്നരികില്‍ - ഇനി 
യെന്നാണു വന്നീടുമോ - ഇനി 
യെന്നാണു വന്നീടുമോ

ഒരു മലരിവിടെ ഒരു മലരവിടെ
ഒരുമയില്‍ മണമേകി
ഒന്നിക്കുമൊരുനാളെന്നു വന്നിടും
ചൊല്ലൂ നീ നിലാവേ - ഇനിമേ 
ലെന്നാണു വന്നിടുമോ - ഹൃദയ 
മൊന്നായിണങ്ങീടുമോ