താണ്ഡവം

വലിയമംഗലം മാളികയുടെ അനന്തരാവകാശിയും മിഥിലാപുരിയുടെ തലവനുമായ സ്വാമിനാഥന്റെ ഇളയ സഹോദരനാണ് കാശിനാഥൻ.കൃഷിയിലൂടെ അഭിവൃദ്ധി നേടിയ മനോഹരമായ ഒരു ഗ്രാമമാണ് മിഥിലാപുരി.ബിസിനസുകാരനായിരുന്നെങ്കിലും പൊതുക്ഷേമത്തിൽ ശ്രദ്ധ ചെലുത്തിയിരുന്ന കാശിനാഥൻ ജനങ്ങളുടെ പ്രശ്നങ്ങളിൽ ഇടപെട്ടിരുന്നു.

ഉദയങ്കര കോളനിയിൽ നിലനിന്നിരുന്ന രൂക്ഷമായ കുടിവെള്ളപ്രശ്നം പരിഹരിക്കാനായി കാശിനാഥൻ തീരുമാനിക്കുന്നു. കുടിവെള്ളവിതരണം അട്ടിമറിച്ചുകൊണ്ടിരുന്ന കൗശലക്കാരനായ ചേർപ്പുങ്കൽ ശങ്കർ ദാസ് എന്ന രാഷ്ട്രീയക്കാരനെ കാശിനാഥൻ തന്ത്രപരമായ നീക്കത്തിലൂടെ കുടുക്കിലാക്കുന്നു.കാശിനാഥന്റെ സമ്മർദ്ദത്തിന് വഴങ്ങി ശങ്കർദാസിന് ഗ്രാമത്തിൽ ജലവിതരണത്തിന് അനുമതി നൽകേണ്ടി വരുന്നു.ചെയ്യുന്നു. പിന്നീട് ശങ്കർ ദാസ് മന്ത്രിസഭയിൽ നിന്ന് രാജിവെക്കാൻ നിർബന്ധിതനായി.

അങ്ങനെയിരിക്കെ മിഥിലാപുരിയിൽ കോള പാനീയങ്ങളുടെ വിപണിസാധ്യത മനസിലാക്കിയ ദാസപ്പൻ ഗൗണ്ടറും കൂട്ടാളികളും പരസ്പരം ലാഭകരമാകുന്ന രീതിയിൽ ഒരു ബിസിനസ്സ് ഉടമ്പടിയുണ്ടാക്കുന്നതിനായി സ്വാമിനാഥനെ സമീപിക്കുന്നു.ആദർശവാനായ സ്വാമിനാഥൻ ആ ഉദ്യമത്തിന് എതിരു നിന്നു.നിരാശനായ ഗൗണ്ടർ ശങ്കർ ദാസുമായി ചേർന്ന് സ്വാമിനാഥന്റെ മരണം തന്ത്രപൂർവ്വം ആസൂത്രണം ചെയ്യുന്നു. സ്വാമിനാഥന്റെ തിരോധാനത്തെപ്പറ്റിയറിഞ്ഞ് കാശിനാഥൻ വലിയമംഗലം മാളികയിലേക്ക് വരുന്നു.