മിലൻ ജലീൽ

മലയാളത്തിലെ പ്രശസ്ത ചലച്ചിത്ര നിര്‍മ്മാതാവും വിതരണക്കാരനുമാണ് മിലന്‍ ജലീൽ. 1960 മെയ് 15 -ന് തൃശൂർ ജില്ലയിലാണ് ജലീൽ ജനിച്ചത്. കെ കെ ഹരിദാസ് സംവിധാനം ചെയ്ത് 1997-ല്‍ പുറത്തിറങ്ങിയ കല്യാണപ്പിറ്റേന്ന് എന്ന സിനിമ സ്വന്തം ബാനറിൽ നിർമ്മിച്ചുകൊണ്ടാണ് അദ്ധേഹം സിനിമാ നിർമ്മാണ രംഗത്ത് തുടക്കംകുറിയ്ക്കുന്നത്.

അതിനുശേഷം അലി അക്ബർ സംവിധാനം ചെയ്ത കുടുംബ വാർത്തകൾ എന്ന ചിത്രം നിർമ്മിച്ചു. തുടർന്ന് നിരവധി ഹിറ്റ് സിനിമകൾ നിർമ്മിച്ചുകൊണ്ട് മിലൻ ജലീൽ മലയാളത്തിലെ പ്രമുഖ സിനിമാനിർമ്മാതാവായി. തുറുപ്പുഗുലാൻ, ഇൻസ്പെക്ടർ ഗരുഡ്, റൺ ബേബി റൺ, ഫയർമാൻ തുടങ്ങിയവ ജലീൽ നിർമ്മിച്ച സിനിമകളിൽ പ്രധാനപ്പെട്ടവയാണ്. ഇരുപത്തി ഒന്നോളം ചിത്രങ്ങള്‍ നിര്‍മ്മിച്ചിട്ടുള്ള മിലൻ ജലീൾ.കേരള ഫിലിം പ്രൊഡ്യൂസേഴ്‌സ് അസോസിയേഷന്റെ പ്രസിഡന്റ് പദവി വഹിച്ചിട്ടുണ്ട്.