കേളീ മുരളികയിൽ

 

കേളീ മുരളികയിൽ അനുരാഗ
നാളീ മുരളികയിൽ
വൃന്ദാവന സാരംഗമായ് ഞാൻ
വ്രീളാലോലമുണർന്നു ഇന്ന്
വ്രീളാലോലമുണർന്നു
ഹരേ ശ്യാമഹരേ...
(കേളീ മുരളിക...)

ശാരദവിധുവിൻ ശീതളകിരണം
സാന്ത്വന ചന്ദനമായ്
പരിഭവ യമുനാ തന്തുവിൽ ഹൃദയം
പ്രണയ സുധാരസമായ്
ഹരേ ശ്യാമഹരേ...
(കേളീ മുരളിക...)

നീരവമുണരും ശ്രാവണമലരിൻ
മായികഗന്ധവുമായ്
പരിമൃദുപവനൻ വന്നണയുമ്പോൾ
മനസ്സും കുളിരുകയായ്
ഹരേ ശ്യാമഹരേ...
(കേളീ മുരളിക...)
 

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Kelee Muralikayil

Additional Info

അനുബന്ധവർത്തമാനം