പിരിയൂ സഖീ നിൻ

 

പിരിയൂ സഖീ നിൻ ഹൃദയസംഗീതം
അകലേ അകലേ അലിഞ്ഞു മാഞ്ഞൂ
ഇരുളിൽ വിടർന്നൊരെന്നുൾക്കുളിർ പൂവിന്റെ
ഇതളുകൾ തോറും നീ ഉമ്മ നൽകീ
നിറയുമെൻ കൺകളും നിന്നാത്മനാദത്തിൻ
ഉറവയുമൊന്നായ് കരഞ്ഞതില്ലേ
(പിരിയൂ....)

ഒരു തുള്ളി തേനിരുന്നുള്ളിൽ തുടിച്ചൊരെൻ
കരളിൻ മലർത്തിരിയറ്റു വീണു
മറയും കിനാവിന്റെ വാർമഴവില്ലിൽ
നിന്നൊരു മിഴിനീർമണിയിറ്റു വീണു
(പിരിയൂ..)

ഇണപിരിയുന്നു നാം
ഇണ പിരിയുന്നു നാം നിൻ കരൾത്തന്തുവിൽ
ഇനിയെൻ വിരലുകൾ മുത്തുകില്ലാ
വിട തരൂ നിൻ മെയ്യിലിക്കിളി കൊള്ളിച്ച
വിരലുകൾക്കിന്നീ വിട തരൂ നീ
മധുരസംഗീതമേ വിട തരൂ നീ
വിട തരൂ നീ
വിട തരൂ നീ നീ