അഷ്ടപദി

പെരുന്പടവത്തിന്റെ  ‘അഷ്ടപദി’ സിനിമയാക്കണമെന്ന് ആദ്യ തീരുമാനിച്ചത് സംവിധായകൻ മോഹൻ ആയിരുന്നു. അദ്ദേഹവും പെരുന്പടവവും ചേര്‍ന്ന് തിരക്കഥയും ഏകദേശം പൂര്‍ത്തിയാക്കിയിരുന്നു. മജീന്ദ്രന്‍ എന്ന നിര്‍മാതാവിനുവേണ്ടിയാണ് സിനിമ ആദ്യം ആലോചിച്ചത്. എലൈറ്റ് ഗ്രൂപ്പിന്‍െറ മാനേജരായിരുന്ന അദ്ദേഹം ആരുടെയോ വെടിയേറ്റു കൊല്ലപ്പെടുകയായിരുന്നു. ചെറുപുഷ്പം ഫിലിംസിനുവേണ്ടിയും മഞ്ഞിലാസിനുവേണ്ടിയും ആ സിനിമ ആലോചിച്ചിരുന്നുവെങ്കിലും നടന്നില്ല. പിന്നീട് അമ്പിളി ആ നോവല്‍ സിനിമയാക്കി.

ഈ പടം നിർമ്മിച്ചത് കല്യാൺ ഗ്രൂപ്പിൻറെ ടി.എസ് കല്യാണരാമൻ ആണ്. മറ്റു മൂന്നു വലിയ സിനിമകളുടെ കൂടെ റിലീസ് ചെയ്തതിനാൽ പടം വിജയിച്ചില്ല എന്ന് അദ്ദേഹം ആത്മകഥയിൽ പറയുന്നുണ്ട്.