വി പി രാമചന്ദ്രൻ

കണ്ണൂർ ജില്ലയിലെ പയ്യന്നൂർ സ്വദേശിയാണ് വി പി രാമചന്ദ്രൻ. എയർഫോഴ്ജ്സിൽ ഉദ്യോഗസ്ഥനായിരുന്ന സമയത്താണ് അദ്ദേഹം സിനിമാഭിനയരംഗത്തേക്കെത്തുന്നത്.  1987 -ൽ കിളിപ്പാട്ട് എന്ന സിനിമയിൽ ഒരു വേഷം ചെയ്തുകൊണ്ടാണ് രാമചന്ദ്രൻ സിനിമയിൽ തുടക്കം കുറിയ്ക്കുന്നത്. അതിനുശേഷം അപ്പു, അയ്യർ ദി ഗ്രേറ്റ്, സദയം, ദയ, യുവതുർക്കി...എന്നിവയുൾപ്പെടെ ഇരുപത് സിനിമകളിൽ അദ്ദേഹം അഭിനയിച്ചു. 

എയർഫോഴ്സിൽ നിന്നും റിട്ടയർ ചെയ്തതിനുശേഷം കുറച്ചുകാലം അദ്ദേഹം അമേരിക്കൻ കോൺസുലേറ്റിൽ ജോലി ചെയ്തിരുന്നു. സിനിമകൾ കൂടാതെ നാടകങ്ങളിലും ടെലിവിഷൻ സീരിയലുകളിലും രാമചന്ദ്രൻ അഭിനയിച്ചിരുന്നു. ചില സിനിമകളിൽ ഡബ്ബിംഗ് ആർട്ടിസ്റ്റായും അദ്ദേഹം പ്രവർത്തിച്ചിട്ടുണ്ട്. സംഗീതനാടക അക്കാദമി പുരസ്ക്കാര ജേതാവാണ് വി പി രാമചന്ദ്രൻ. 2024 സെപ്റ്റംബറിൽ അദ്ദേഹം അന്തരിച്ചു.

വി പി രാമചന്ദ്രന്റെ ഭാര്യ: വത്സ രാമചന്ദ്രൻ (ഓമന).  മക്കൾ: ദീപ, ദിവ്യ.