വൈരം

ഒരു സാധാരണ ഗ്രാമീണനായ ശിവരാജന്റെ മകൾ വൈരമണി ബലാത്സംഗത്തിനിരയായി കൊല്ലപ്പെടുന്നു.നഷ്ടപ്പെട്ട മകൾക്ക് നീതി ലഭിക്കാൻ പരിശ്രമിച്ചുവെങ്കിലും കുറ്റവാളി അയാളുടെ രാഷ്ട്രീയസ്വാധീനവും പണവുമുപയോഗിച്ച് രക്ഷപ്പെടുന്നു. മറ്റു വഴികളില്ലാതായപ്പോൾ മകളെ കൊന്ന ജോസുകുട്ടിയെ വേട്ടയാടുക എന്നത് മാത്രമായിരുന്നു ശിവരാജിന് മുന്നിലുണ്ടായിരുന്ന വഴി.പിന്നീട് ജോസുകുട്ടി കൊല്ലപ്പെടുകയും ശിവരാജ് ജയിലാവുകയും ചെയ്യുന്നു.

 ഒരു ജനപ്രിയ മാസികയുടെ അന്വേഷണാത്മക പത്രപ്രവർത്തകയായ ആനി ജേക്കബ് ഈ വിഷയം അറിയാനിടയാകുന്നു.അവൾ സംഭവത്തെ വെളിച്ചത്ത്‌ കൊണ്ടു വരുന്നു.ആ വാർത്ത പൊതുജന ശ്രദ്ധ നേടുകയും കോളിളക്കമായി മാറുകയും ചെയ്യുന്നു. അഡ്വക്കേറ്റ് രവി വർമ്മ പ്രസ്തുത കേസിൽ പുനരന്വേഷണത്തിന്റെ സാധ്യത തുറക്കുന്നു.പ്രണയത്തിലായ ആനി ജേക്കബും രവിവർമ്മയും ഒരുമിച്ച് നീതിക്കായുള്ള പോരാട്ടം നടത്തുന്നു.ക്രൈംബ്രാഞ്ച് എസ്.പിയായ തോമസ് ഈരാളി ഐപിഎസ് വളരെ ഗൗരവമായിത്തന്നെ കേസ് അന്വേഷിക്കാൻ തുടങ്ങി.