കെ പി എ സി സുലോചന

Name in English: 
KPAC Sulochana

മാവേലിക്കര കോട്ടയ്ക്കകത്ത് , കുഞ്ഞുകുഞ്ഞിന്റെയും കല്യാണിയമ്മയുടെയും മകളായി , 1938 , ഏപ്രിൽ 10 ന് ജനിച്ച സുലോചനയുടെ ഗുരു, തടിയൂർ ഗോപാലകൃഷ്ണനായിരുന്നു. 1951ലാണ് കെ പി എസിയിൽ ചേരുന്നത്.

കെ എസ് ജോർജ്ജിന്റെ കൂടെ , കാലം മാറുന്നു എന്ന സിനിമയിലെ ‘ ഈ മലർ പൊയ്കയിൽ ‘ എന്ന യുഗ്മഗാനം പാടി സിനിമാ ലോകത്തെത്തിയ സുലോചന  അതേ ചിത്രത്തിൽ സത്യത്തിന്റെ നായികയുമായിരുന്നു. അവർ പാ‍ടിയ ‘വെള്ളാരം കുന്നിലെ’, ‘അമ്പിളിയമ്മാവാ’, ‘ചാഞ്ചാടുണ്ണീ ചെരിഞ്ഞാടുണ്ണീ ‘ തുടങ്ങിയ ഗാനങ്ങൾ മലയാളികൾ മറക്കില്ല.സുലോചനയിലെ നടിയെ തിരിച്ചറീഞ്ഞ കഥപാത്രങ്ങളായിരുന്നു ‘നിങ്ങളെന്നെ കമ്യൂണിസ്റ്റാക്കിയിലെ’ ‘സുമം’ , ‘മുടിയനായ പുത്രനിലെ ‘ ‘പുലയി’ എന്നിവയൊക്കെ. 1975 ഇൽ കേരളസംഗീത നാടക അക്കാഡമി അവരുടെ സേവനത്തെ ആദരിച്ചു.