ഒന്നും ഒന്നും മൂന്ന്

കോടീശ്വരനായ അലക്സാണ്ടർ ആലപ്പുഴയിലെ ഒരു റിസോർട്ടിൽ താമസിക്കുന്നു. റിസോർട്ട് മാനേജരായ വിഷ്ണുവും സുഹൃത്ത് അൻവറുമായി ചേർന്ന് അലക്സാണ്ടറുടെ പണം തട്ടിയെടുക്കാൻ ശ്രമിച്ചു. ഇതുണ്ടാക്കുന്ന രസകരമായ മുഹൂർത്തങ്ങളാണ് 'കുലുക്കി സർബത്തിൽ' പറയുന്നത്.

വാടകക്കൊലയാളിയായ ഒരാൾ ഒരു കൊലപാതകം നടത്താൻ ഒരുങ്ങുന്നു. പക്ഷേ അന്ന് എഫ് എം ൽ കേട്ട ഒരു ശബ്ദം അയാളെ ഭൂതകാലത്തേയ്ക്ക് കൊണ്ടുപോകുന്നു. അങ്ങനെ അയാളുടെ ദൗത്യം പൂർത്തിയാക്കാൻ കഴിയുന്നില്ല. ഈ സമയത്തുണ്ടാകുന്ന സംഭവബഹുലമായ മുഹൂർത്തങ്ങളാണ് 'ശബ്ദരേഖ' എന്ന ചിത്രത്തിൽ പറയുന്നത്.

എട്ട് വയസുള്ള ഒരു പെണ്‍കുട്ടിയുടെ സങ്കീർണ്ണമായ ജീവിതാവസ്ഥയാണ് 'ദേവി' എന്ന ചിത്രം പറയുന്നത്. അഭിസാരികയായ അമ്മ രോഗിയായതിനെത്തുടർന്ന് അമ്മയെത്തേടി പിന്നീട് എത്തുന്നവർ മകളെ ആവശ്യപ്പെടുന്നു. അതിന്റെ കാരണം മകൾ അച്ഛനോട് ചോദിക്കുന്നു. ഇതാണ് ചിത്രത്തിന്റെ ഇതിവൃത്തം.