കൂൾ ജയന്ത്

ചെന്നൈ സ്വദേശിയായ ജയരാജ് എന്ന കൂൾ ജയന്ത് നൃത്തസംവിധായകരായ പ്രഭുദേവ, രാജു സുന്ദരം എന്നിവരുടെ സഹായിയായാണ് സിനിമാ മേഖലയിൽ പ്രവേശിക്കുന്നത്. 1996 -ൽ കെ.ടി. കുഞ്ഞുമോൻ നിർമിച്ച് കതിർ സംവിധാനം ചെയ്ത ‘കാതൽദേശം’ എന്ന ചിത്രത്തിൽ സ്വതന്ത്ര നൃത്തസംവിധായകനായി. ഇതിലെ ‘മുസ്തഫ മുസ്തഫ’, ‘കല്ലൂരി സാലൈ’ എന്നീ പാട്ടുകളും ഗാനരംഗങ്ങളും ഹിറ്റായതോടെ അദ്ദേഹത്തിന് കൂടുതൽ അവസരങ്ങൾ ലഭിച്ചു. 

2000 -ത്തിൽ തെങ്കാശിപ്പട്ടണം എന്ന സിനിമയിലെ നൃത്ത രംഗങ്ങൾ സംവിധാനം ചെയ്തുകൊണ്ട് കൂൾ ജയന്ത് മലയാള സിനിമയിൽ തുടക്കം കുറിച്ചു. തുടർന്ന് ഈ പറക്കും തളിക, രാക്ഷസരാജാവ്, കരുമാടിക്കുട്ടൻ, മയിലാട്ടം, കല്യാണരാമൻ, മായാവി... എന്നിവയുൾപ്പെടെ നിരവധി മലയാള സിനിമകളിലെ നൃത്ത രംഗങ്ങൾ സംവിധാനം ചെയ്തു. മലയാളം, തമിഴ്, തെലുഗു, കന്നഡ ഭാഷകളിലായി എണ്ണൂറോളം സിനിമകൾക്ക് നൃത്ത സംവിധാനം നിർവഹിച്ചിട്ടുള്ള കൂൾ ജയന്ത് 
തമിഴിൽ ‘കോഴിരാജ’ ഉൾപ്പെടെ ചില ചിത്രങ്ങളിലും അഭിനയിച്ചിട്ടുണ്ട്. 

അര്‍ബുദ ബാധയെ തുടര്‍ന്ന് ചികിത്സയിലിരിക്കെ 2021 നവംബറിൽ കൂൾ ജയന്ത് അന്തരിച്ചു.