കേട്ടില്ലേ നിങ്ങള്‍ വിശേഷം
കേട്ടില്ലേ നിങ്ങള്‍ വിശേഷം - ഇതു
കേട്ടാല്‍ ചിരിക്കരുതാരുമശേഷം
പണ്ടു പരാശരനെന്നു - പുകള്‍
കൊണ്ടൊരുവന്‍ മുനിയുണ്ടായിരുന്നു
അന്തിക്കൊരുനാള്‍ യമുനയില്‍ സന്ധ്യാവന്ദനമാടാന്‍
മാന്തോലേന്തിയ ദിവ്യന്‍ ചന്തത്തൊടു പോരുമ്പോള്‍
കാളിന്ദിയെക്കടക്കേണം - അതി
നാളൊന്നു വഞ്ചിയുമായി വരേണം
വഞ്ചിതുഴയുവാനന്നു - ഒരു
ചഞ്ചലവാണിയരികത്തു വന്നു
കൊഞ്ചും മൊഴി തുഴയുമെടത്തഞ്ചിതമായ് ചാഞ്ചാടി
ചെഞ്ചെമ്മേ തുഴയുമ്പോള്‍ പഞ്ചശരന്‍ പോന്നെത്തി
താരമ്പിലൊന്നെങ്ങെടുത്തു - താടി
ക്കാരന്റെ മാറില്‍ തൊടുത്തു
മാരന്‍ മയങ്ങുന്ന നാരി ഇവ -
ളാരെന്നെക്കൊല്ലുവാന്‍ വന്ന മീന്‍കാരി
കണ്ടു കരളില്‍ കാമം കൊണ്ടു കൊണ്ടാടും മുനി
ദണ്ഡും കമണ്ഡലവും മിണ്ടാതവിടിട്ടേച്ചു
മാരമാലേറ്റു തളര്‍ന്നു - മുനി
നാരിതന്‍ ചാരത്തണഞ്ഞു
അയ്യയ്യോ പാപം മുനീന്ദ്രാ - അങ്ങേ
യ്ക്കാവതില്ലിത്തരം ചിന്ത
കുലവും നിലയുമില്ലാഹീനയില്‍ ദീനയിവള്‍
ആപത്തില്‍ പാപത്തിനു നീപത്തനമാക്കൊല്ലാ
ഇല്ലിതിലെന്തോന്നു പാപം - തവ
നല്ലതു കൈവരാന്‍ യോഗം - പെണ്ണേ
ഇന്നു മുതല്‍ മത്സ്യഗന്ധി - പാരില്‍
എന്നുമേ കസ്തൂരിഗന്ധി - പെണ്ണേ
വേരിച്ചൊല്ലാര്‍മണി നിന്നില്‍ വേദ -
വ്യാസന്‍ ജനിക്കുമീമന്നില്‍
എന്തിനധികം ചൊല്ലുവതെന്തായാലും മുനിവരന്‍
സന്ധ്യയെ വന്ദിക്കാതെ അന്തിക്കവളെ പുൽകി
