ഉടൽ

ഷൈനി ജോസഫ് (ദുർഗ്ഗകൃഷ്ണ) സുന്ദരിയായ വീട്ടമ്മയാണ്. ജോലി സംബന്ധമായി പുറത്ത് പോയിട്ടുള്ള ഭർത്താവ് റജിയുടെ (ജൂഡ് ആന്തണി ) കിടപ്പുരോഗിയായ അമ്മയെ ശുശ്രൂഷിച്ച് മടുത്തിരിക്കുകയാണ് അവൾ. അമ്മയുടെ മലമൂത്ര വിസർജ്യത്തിൻ്റെ ദുർഗ്ഗന്ധം വമിക്കുന്ന പരിസരത്ത് ജോലി ചെയ്യുന്ന സ്ത്രീ അവിടുന്നൊരു ചായ കുടിക്കാൻ പോലും തയ്യാറല്ല. ഷൈനി പോലും അറയ്ക്കുന്നുണ്ട്. ഹോംനേഴ്സ് അവിടുത്തെ ജോലി മതിയാക്കി പോകുമ്പോൾ ഷൈനി കൂടുതൽ പ്രതിസന്ധിയിലാകുന്നു. അവളും, വാർദ്ധക്യത്താൽ പരിമിതമായ

കാഴ്ചശക്തിയും,കേൾവി ശക്തിയും മാത്രമുള്ള ഭർതൃപിതാവായ  (ഇന്ദ്രൻസ്) കുട്ടിയച്ചനും ചേർന്ന് അമ്മയെ ശുശ്രൂഷിക്കുന്നു.    ഷൈനിയുടെ കാമുകൻ കിരൺ (ധ്യാൻ ശ്രീനിവാസൻ) രാത്രിയിൽ വീട്ടിലെത്തുന്നു. സുഹൃത്തിനെ വീടിനടുത്ത് കാവലിരുത്തിയിട്ടാണ് അവൻ എത്തുന്നത്. ആ വീട്ടിലെ ദുർഗന്ധത്തെക്കുറിച്ച് പരാമർശം നടത്തിയ അവനോട് അമ്മയെ കൊല്ലാൻ സഹായിക്കാമോ എന്ന് ഷൈനി ചോദിക്കുന്നു. ആദ്യം ഭയന്ന് വിസമ്മതിച്ചെങ്കിലും അവർ രണ്ട് പേരും ചേർന്ന് തോർത്ത് കൊണ്ട് ശ്വാസം മുട്ടിച്ച് അമ്മയെ കൊന്നു കളയുന്നു. തിരികെ റൂമിലെത്തി സമാധാനിച്ചിരിക്കുമ്പോൾ അമ്മയെ കൊല്ലാനുപയോഗിച്ച തോർത്ത് എടുത്തിട്ടില്ല എന്ന് മനസിലാവുന്നു. വീണ്ടും അമ്മയുടെ റൂമിലെത്തിയ അവർ തോർത്ത് അവിടെ കാണുന്നില്ല എന്ന് മനസിലാക്കുകയും ഭയന്നു പോകുകയും ചെയ്യുന്നു. തുടർന്ന് അവർ ആക്രമിക്കപ്പെടുന്നു.  പ്രതിരോധിക്കാൻ ശ്രമിക്കുന്നുവെങ്കിലും ആരോ ഒരാൾ അവരെ ഭീകരമായി വേട്ടയാടുന്നു.തുടർന്നു ആ വിടിനുള്ളിൽ അതിഭീകര ആക്രമണവും പ്രതിരോധവും നടക്കുന്നു.