ശശി മണ്ണാർക്കാട്
Sasi Mannarkkad
പാലക്കാട് ജില്ലയിലെ മണ്ണാർക്കാട് സ്വദേശിയാണ് ശശി മണ്ണാർക്കാട്. 2009 -ൽ പാസഞ്ചർ എന്ന സിനിമയിൽ അസോസിയേറ്റ് ആർട്ട് ഡയറക്ടറായിട്ടാണ് അദ്ദേഹം ചലച്ചിത്രമേഖലയിൽ അരങ്ങേറുന്നത്. അതിനുശേഷം അപ്പോത്തിക്കിരി, പ്രെയ്സ് ദി ലോർഡ്, അതിരൻ, ഈശോ.. എന്നിവയുൾപ്പെടെ പതിഞ്ചോളം സിനിമകളിൽ അദ്ദേഹം അസിസ്റ്റന്റ് ആർട്ട് ഡയറക്ടറായി പ്രവർത്തിച്ചു.
സിനിമയുടെ ഓരോ ഫ്രെയിമിലും ഭംഗി നിറയ്ക്കാൻ പരിശ്രമിച്ചിരുന്ന ഈ കലാകാരൻ, തന്റെ തൊഴിലിനോടുള്ള അർപ്പണബോധം എന്നും കാത്തുസൂക്ഷിച്ചു. ജീവിതത്തിന്റെ പകുതിയോളം കാലം ചലച്ചിത്ര മേഖലയ്ക്കായി മാറ്റിവെച്ച ഇദ്ദേഹം, 2024 ഏപ്രിലിൽ അന്തരിച്ചു.