മിഴി തമ്മിൽ പുണരുന്ന നേരം

മിഴി തമ്മിൽ പുണരുന്ന നേരം
പറയാതെയറിയുന്നനുരാഗം
പരിഭവ തിങ്കളേ തെളിനിലാ കുമ്പിളായ് 
നീളേ നീളേ പകരൂ ഒരു മഴയുടെ കുളിരല
മിഴി തമ്മിൽ പുണരുന്ന നേരം
പറയാതെയറിയുന്നനുരാഗം

കളിവാക്കു ചൊല്ലിയാൽ കലഹിച്ചതൊക്കെയും
പ്രണയമുണർത്തിയ കൌതുകം
ഒരുമിച്ചു പാടുമീ പാട്ടിൻ അരുവിയായ്
ഒഴുകും നമ്മൾ എന്നുമേ
കരളിലിരുന്നൊരു കിളി പാടി
മുരളിക മൂളും പോലെ
കണിമലരണിയും യാമിനിയിൽ
നീയെൻ മനസ്സിലെ മധുകണം 
മിഴി തമ്മിൽ പുണരുന്ന നേരം 
പറയാതെയറിയുന്നനുരാഗം

അരികത്തിരിക്കിലും കനവിൽ ലയിച്ചു നാം
നുകരും സ്നേഹ മർമ്മരം
ഓർക്കാതിരിക്കവേ ചാരത്തണഞ്ഞൂ നീ
വരമായ് തന്നൂ തേൻ കണം
തണുവിരൽ തഴുകും തംബുരുവിൽ 
സിരകളിലൊരു നവരാഗം
നറുമലരിതളിൽ പുഞ്ചിരിയിൽ 
നീ നിറമെഴുതിയ ചാരുത
മിഴി തമ്മിൽ പുണരുന്ന നേരം
പറയാതെയറിയുന്നനുരാഗം
പരിഭവ തിങ്കളേ തെളിനിലാ കുമ്പിളായ് 
നീളേ നീളേ പകരൂ ഒരു മഴയുടെ കുളിരല
ഒരു മഴയുടെ കുളിരല ഒരു മഴയുടെ കുളിരല

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Mizhithammil (D)

Additional Info

Orchestra: 
വീണ

അനുബന്ധവർത്തമാനം