സംപൂതമീ പ്രേമസിദ്ധിക്കായ്‌
സംപൂതമീ പ്രേമസിദ്ധിക്കായ്‌ പച്ചില -
ക്കുമ്പിളും കോട്ടി ഞാൻ പിച്ചതെണ്ടാം
വേണെങ്കിലാരാഗവേദിയിൽ വെച്ചു മൽ -
പ്രാണനെപ്പോലും ഞാൻ സംത്യജിക്കാം
സംപൂതമീ പ്രേമസിദ്ധിക്കായ്‌ പച്ചില -
ക്കുമ്പിളും കോട്ടി ഞാൻ പിച്ചതെണ്ടാം
ഏവനും കണ്ടാൽ കൊതിതോന്നുമാറൊരു
പൂവമ്പനാണാക്കൊച്ചാട്ടിടയൻ
പുല്ലാണെനിക്കാപ്പണമവൻ തൻ കൊച്ചു
പുല്ലാങ്കുഴലുമായ്‌ നോക്കിടുമ്പോൾ
സംപൂതമീ പ്രേമസിദ്ധിക്കായ്‌ പച്ചില -
ക്കുമ്പിളും കോട്ടി ഞാൻ പിച്ചതെണ്ടാം
മാമക ജീവിത മാകന്ദത്തോപ്പിലാ
മന്മഥകോമളനല്ലാതാരും
തേൻ പെയ്യും ഗാനം പൊഴിച്ചണയില്ലൊരു
ദാമ്പത്യമാല്യവും കയ്യിലേന്തി
സംപൂതമീ പ്രേമസിദ്ധിക്കായ്‌ പച്ചില -
ക്കുമ്പിളും കോട്ടി ഞാൻ പിച്ചതെണ്ടാം
വേണെങ്കിലാരാഗവേദിയിൽ വെച്ചു മൽ -
പ്രാണനെപ്പോലും ഞാൻ സംത്യജിക്കാം
സംപൂതമീ പ്രേമസിദ്ധിക്കായ്‌ പച്ചില -
ക്കുമ്പിളും കോട്ടി ഞാൻ പിച്ചതെണ്ടാം
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
(1 vote)
Sampoothamee
Additional Info
ഗാനശാഖ: