മഴവില്ല്

സുഹൃത്തുക്കളെപ്പോലെ കഴിയുകയും പരസ്പരം ആഴത്തിൽ സ്നേഹിക്കുകയും ചെയ്തിരുന്നവരാണ് മഹേഷും ഭാര്യ വീണയും. അവരുടെ വീട്ടിലേക്ക് കവിയും ബാല്യകാലസുഹൃത്തുമായ വിജയകൃഷ്ണനെ മഹേഷ്‌ ക്ഷണിക്കുന്നു. കാമുകി കാൻസർ ബാധിച്ച് മരിച്ചതോടെ വിഷാദത്തിനടിപ്പെട്ട വിജയകൃഷ്ണനെ അതിൽ നിന്നും കര കയറാൻ സഹായിക്കാനെന്നോണം പുതിയ അന്തരീക്ഷത്തിൽ കുറച്ചു നാൾ തങ്ങളോടൊപ്പം താമസിക്കാൻ മഹേഷ്‌ നിർദ്ദേശിച്ചു. പല സന്ദർഭങ്ങളിലും വീണയ്ക്ക് നീനയോട് സാമ്യമുള്ളതായി തോന്നിയ വിജയകൃഷ്ണന് വീണയോട് താല്പര്യം തോന്നിത്തുടങ്ങി.ഇത് മനസിലാക്കിയ മഹേഷ്‌ വീണയെ ഇക്കാര്യം അറിയിക്കാതെ വിജയകൃഷ്‌ണനുമായി ഒരു പാറക്കെട്ടിൽ വച്ച് സംസാരിക്കുന്നു. വീണയോടുള്ള താല്പര്യം മറന്ന് മടങ്ങിപ്പോവാൻ മഹേഷ്‌ ആവശ്യപ്പെടുന്നു. അവിടെ വച്ച് വിജയകൃഷ്ണൻ മഹേഷിനെ കൊലപ്പെടുത്തുന്നു. അതൊരു അപകടമരണമായി ചിത്രീകരിക്കപ്പെട്ടു.എന്നാൽ മഹേഷിന്റെ ക്യാമറയിൽ ഈ ദൃശ്യങ്ങൾ പതിഞ്ഞത് വിജയകൃഷ്ണൻ അറിഞ്ഞിരുന്നില്ല. നാളുകൾക്കു ശേഷം വിജയകൃഷ്ണന്റെ ഇഷ്ടമറിഞ്ഞ വീണയുടെ സുഹൃത്ത് വീണയോട് അവനെ സ്വീകരിക്കാൻ നിർദേശിക്കുന്നു. പക്ഷെ മഹേഷിന്റെ ക്യാമറയിൽ പതിഞ്ഞ ഫോട്ടോകൾ കണ്ട് സത്യം മനസിലാക്കിയ വീണ നിശബ്ദമായി ഇരുന്നു. പിന്നീട് വീണ അവനെ വിവാഹം ചെയ്യുമെന്ന് അവൾ എല്ലാവരെയും വിശ്വസിപ്പിക്കുന്നു.